Zhgënjimi ishte i madh në sytë e Edy Reja-s pas barazimit kundër Islandës, i vetëdijshëm gjithashtu për fatin e tij në krye të Kombëtares. Tekniku italian nuk preferoi të gjykohet vetëm për këtë sfidë, apo vetëm për këtë rrugëtim në Ligën e Kombeve, pasi siç u shpreh ai, janë rezultate shumë zhgënjyese, por të kushtëzuara jo pak nga dëmtimet e shumta.
Reja kërkonte një bilanc të plotë të tre viteve për të dalë në një përfundim, përfundim që tashmë është i shkruar. Në të njëjtën kohë, italiani është i bindur se në këtë periudhë 3-vjeçare ka arritur t’i jap nder Shqipërisë.
Edy Reja u ul në stolin e Kombëtares më 08.06.2019 në transfertë përballë Islandës, një aventurë që nisi me një humbje minimale 1-0. Nga Islanda tek Islanda, që nga ajo periudhë e deri të martën në “Air Albania”, në total, Reja ka drejtuar Shqipërinë në 34 ndeshje.
Është interesat fakti se Reja ka një bilanc shumë të barabartë, një “ndarje me thikë”: 13 fitore, 13 humbje dhe 8 ndeshje në barazim. 41 gola ka shënuar Shqipëria në drejtimin e Edy Reja-s, ndërsa kanë pësuar 40.
VAZHDO TË LEXOSH MË TEPËR PËR TEMËN
Shqipëria mund të ndeshet me Serbinë ose Kosovën
