23.10.2022 - 23:00
Barcelona bën gjithçka mirë në Camp Nou dhe merr një fitore me vlerë ndaj Bilbaos (4-0). Ekipi katalanas mbylli llogaritë që në 20 minutat e para. Dembele hapi siparin e golave, ndërsa Roberto dhe Lewandowski thelluan akoma më shumë avantazhin.
Miqtë nga Bilbao e patën të pamundur të bënin diçka, teksa goleada u bë e pashmangshme. Pavarësisht rezultatit që nuk linte vend për dyshime, vendasit nuk e ndalën për asnjë moment vrullin.
Në pjesën e dytë shënoi edhe Torres (73′), të besuarit e Xavit vijojnë ndjekjen ndaj Real Madrid, me distancën ndaj kryesuesve që është 3 pikë.
