Lideri çeçen Ramzan Kadyrov pranoi se ushtria e tij ka pësuar humbje të mëdha nga sulmi me artileri nga ushtria ukrainase, menjëherë pasi ata kishin zbuluar vendodhjen e tyre pasi kishin publikuar video në rrjetet sociale.
“Në fillim të kësaj jave, një nga njësitë çeçene në rajonin Kharson u sulmua”, tha në Telegram Kadyrov, aleat i ngushtë i presidentit rus, Vladimir Putin.
“23 luftëtarë u vranë dhe 58 të tjerë u plagosën”, Deklaroi Kadryov, i cili flet rrallë për humbje në fushëbetejë, por pranoi se luftëtarët e tij, pësuan humbje të madhe atë ditë.
Por sipas ushtrisë ukrainase, numri është shumë herë më i lartë, me mbi 40 çeçenë të vrarë dhe 200 të plagosur.
Burimet ukrainase raportuan më herët se një njësi çeçene në jug të rajonit Kherson zbuloi vendodhjen e saj përmes fotove të publikuara në rrjetet sociale, dhe më pas u sulmuan me artileri të rëndë.
Rusët nuk dhanë asnjë informacion publik për humbjen në radhët e ushtrisë çeçene. Lideri çeçen u tha bashhkëatdhetarëve të tij që të mobilizohen në luftën në Ukrainë, në një thirrje që shumë e kanë interpretuar si “xhihad”.
Rusia tashmë ka një justifikim të ri për pushtimin e Ukrainës, ndërsa zyrtarët e lartë në Kremlin deklarojnë se vendi duhet të nisë “de-satanizimin” e Ukrainës.
Që nga fillimi i pushtimit rus të Ukrainës, Kadyrov është deklaruar si një nga përkrahësit më të mëdhenj të luftës dhe ka dërguar njëri çeçene në fushën e betejës.
VAZHDO TË LEXOSH MË TEPËR PËR TEMËN
“Na duhen vetëm 6 sekonda për të treguar çfarë jemi të aftë të bëjmë”
“Mos ndihmo në evakuimin e njerëzve në fabrikën e çelikut në Mariupol”
