Ndonëse sot ishte parashikuar që të mbahej seancën gjyqësore për çështjen e njohur ‘Babalja’ ku ishte thirrur deputeti i PD-së, Ervin Salianji, gjyqi është shtyrë.
Shkak është bërë mungesa e avokatit i Geron Xhafës, me pretendimin se ishte në një varrim. Në një prononcim për mediat deputeti Salianji tha se shtyrja është e qëllimshme, ndërsa i bëri thirrje drejtësisë që të vijojë me çështjen.
“Është në pritje dhe çështja tjetër. Sot u gjet një arsye, po themi nga ai që është bërë sebepi i akuzës, për të shtyrë seancën në publik. Dua të theksoj, që ditën e parë që u bë denoncimi, ai që ka bërë akuzën dhe sot jam në gjykatë, ka kryer të bëjë dënimin e tij me burg, Prokuroria dhe drejtësia e komanduar s’ka bërë hetim për trafikun e drogës, por ka bërë paçavure dhe akuzon gazetarin dhe mua. Mendoj se drejtësia duhet të jetë më e shpejtë dhe më e vendosur. Duhet t’i paraprije situatave dhe jo të mbetet siç e patë. Di që kjo çështje e nxjerr me shpejtësi para kohe duhet të përfundonte me shpejtësi. Dyshimet e mia janë se çështja mos të rishortohej. Fakti që është hedhur një short, dhe trup gjykues, s’ka nevojë që të jetë avokati. Se është prokuroria që është aty. Ne presim drejtësi të shpejtë. Për të gjithë ata që thonë se e quajnë presion pjesëmarrjen e deputeteve të opozitës nuk është presion, por inkurajim për drejtësinë. S’ka asgjë tjetër opozita përveç fjalës. Maxhorancat dhe qeveritë bëjnë presione”, tha Salianji.
VAZHDO TË LEXOSH MË TEPËR PËR TEMËN
Dosja ‘Babale’, reagon Prokuroria e Krimeve të Rënda
