Presidenti rus është takuar sot me nënat e ushtarëve që po luftojnë në Ukrainë. Sipas raportimeve, Vladimir Putin u ka thënë atyre se nuk pendohet që ka nisur atë që ai e quan “operacion special ushtarak special,” megjithatë, ai ka shtuar se ndan me to vuajtjet.
Në një takim të regjistruar paraprakisht e të transmetuar në median shtetërore, presidenti u tha nënave të ushtarëve të mos besonin gjithçka që shihnin në televizion ose lexonin në internet, ndërsa shtoi se rreth konfliktit po qarkullojnë shumë “informacione të rreme.”
I ulur me grupin e nënave rreth një tavoline me çaj, ëmbëlsira dhe tasa me manaferra të freskëta, Putin tha se ai dhe e gjithë udhëheqja ruse e kuptonin dhe ndajnë dhimbjen e atyre që kishin humbur djemtë e tyre duke luftuar në Ukrainë.
“Dua ta dini se unë personalisht dhe e gjithë lidershipi i vendit ndajmë dhimbjen tuaj,” u shpreh ai.
VAZHDO TË LEXOSH MË TEPËR PËR TEMËN
Si po i përgatit Putini fëmijët rusë të “vdesin për atdheun”
Perëndimi nuk duhet të gjunjëzohet në fund…
Ç’po ndodh në Rusi? Lista e atyre që përjashtohen nga rekrutimi
