Drejtori i mjekësisë urgjente dhe fatkeqësive në Universitetin Brown, Dr. Selim Suner ka zhvilluar një aplikacion mjekësor i cili, siç thuhet, mund të masë aneminë intraokulare në vetëm dy sekonda pa marrë mostra gjaku nga pacienti.
Sipas mediave turke, përcjell Telegrafi, me aplikacionin eMoglobin të mbështetur nga inteligjenca artificiale e Suner, niveli i anemisë në një pacient mund të matet menjëherë duke përdorur një fotografi katrore të marrë me një telefon celular.
Aplikacioni, i cili do të jetë i pari në botë, do të shpëtojë jetë në diagnostikimin e pacientëve të urgjencës hemorragjike, ku çdo sekondë është vendimtare.
Është vlerësuar se rreth një e treta e popullsisë së botës ka anemi.
Për të zbuluar aneminë, e cila shfaqet me simptoma dobësie, lodhjeje dhe zbehjeje, është e nevojshme të shkoni në spital, t’i nënshtroheni analizave të gjakut dhe të prisni raportin, i cili zgjat rreth dy orë.
Megjithatë, me aplikacionin e telemjekësisë të zhvilluar nga mjeku-inxhinier turk që jeton në Amerikë, anemia tani mund të matet fjalë për fjalë “sa hap e mbyll sytë”.
Aplikacioni mund të përdoret në të gjithë botën pasi të marrë miratimin e Administratës së Ushqimit dhe Barnave (FDA) dhe do të reduktojë kontrollet nga dy orë në dy sekonda.
VAZHDO TË LEXOSH MË TEPËR PËR TEMËN
“Facebook” na lexon edhe mendimet?!
“Nji botë halle-halle me preokupime bubrrecash”
“A jemi më ‘njerëz’ përballë utopisë së përsosmërisë?”
