Teksa lufta në Ukrainë po vijon që prej 24 shkurtit të këtij viti, duket se as për festat e fundvitit nuk do të arrihet një marrëveshje armëpushimi.
Lajmin e ka konfirmuar një gjeneral brigade i Ukrainës, Oleksiy Gromov, i cili ka hedhur poshtë mundësinë e një armëpushimi me Rusinë gjatë Vitit të Ri.
Deklarata e tij vjen pasi Kremlini tha se nuk do të ketë armëpushim për Krishtlindje.
Gromov tha: “Do të ketë një armëpushim total vetëm kur të mos mbetet asnjë pushtues në tokën tonë”.
Kujtojmë se Rusia vijon të mbajë të pushtuar rajonet e Donteskut dhe Luhanskut dhe nuk i ka ndalur sulmet me raketa në të gjithë Ukrainën, ku po synon kryesisht infrastrukturën energjitike të vendit.