Teste negative të shtatzënisë, trajtimet e fertilitetit: lufta për të ngjizur një fëmijë mund të jetë jashtëzakonisht stresuese ndonjëherë.
Kur një ekip ndërkombëtar shkencëtarësh botoi kërkime alarmante që tregonin se numri i spermës ishte përgjysmuar në mbarë botën në 50 vitet e fundit dhe se trendi po përshpejtohej, natyrisht kjo ngjalli shqetësim.
Rënia, paralajmëruan ata, mund të bëhet një problem shumë i madh, me potencialin për të kërcënuar mbijetesën e njerëzimit.
Numri i spermës është i rëndësishëm, por nuk është gjithçka. Kur një mashkull shkon për një kontroll të fertilitetit dhe bën një analizë të spermës, shikohen tre parametra kyç: numri i spermës, por edhe lëvizshmëria dhe morfologjia e spermës.
Por numri është thjesht më i lehtë për t’u ndjekur vazhdimisht, sesa dy parametrat e tjerë.
Një numër anormalisht i ulët i spermës, i quajtur gjithashtu oligospermia, është kur një mashkull ka më pak se 15 milionë spermatozoide për 1 mililitër spermë.
Ekspertët riprodhues gjithashtu theksojnë se numri i spermës është një tregues i dobishëm i shëndetit të përgjithshëm. Burrat me numër të ulët të spermës priren të jetojnë më pak dhe kanë më shumë gjasa të kenë kancer, diabet dhe sëmundje kardiovaskulare sesa burrat më pjellorë.
A janë kimikatet fajtore për rënien e numrit të spermës?
Ndërsa studimi i tyre nuk eksploroi shkaqet e rënies së numrit të spermës,shkencëtararët theksojnë rolin e stilit të jetesës dhe kimikateve të prodhuara nga njeriu që janë të kudogjendura në botën moderne.
Në fund të fundit, pjesa më e madhe e ushqimit që hamë dhe e produkteve të përditshme që përdorim janë të paketuara në plastikë – nga kozmetika dhe produktet tona të pastrimit deri te kokoshkat tona në mikrovalë. Kimikatet nga këto plastika rrjedhin në ushqimin tonë, mjedisin tonë dhe trupin tonë.
Hulumtimet tregojnë se kimikate të tilla si ftalatet , të cilat janë përdorur prej kohësh për të bërë plastikë të butë dhe fleksibël, dhe bisphenoli A (BPA), i cili përdoret në shishet e forta plastike, mund të prishin sistemin hormonal dhe riprodhues të njerëzve, veçanërisht në fazat e hershme të zhvillimit.
Është e vështirë të anashkalohet fakti se 50 vitet e fundit – periudha gjatë së cilës numri i spermës është përgjysmuar – kanë parë ndryshime të mëdha në mënyrën se si jetojmë që nuk kanë qenë të mira për fertilitetin.
Shkencëtarët, mënyra e jetesës sedentare, stresi dhe përdorimi i alkoolit dhe drogës kanë të ngjarë të luajnë një rol gjithashtu.
VAZHDO TË LEXOSH MË TEPËR PËR TEMËN
10 faktet që duhet të dini për Fekondimin In-Vitro
Çfarë është sindroma Klinefelter?
