Maroku dhe Franca fituan ndaj Portugalisë dhe Anglisë, dhe tani do të ndeshen mes tyre në gjysmëfinalen e Kupës së Botës Katar 2022 (14 dhjetor, 20:00). Parisi u përfshi nga festime të mëdha të vendasve, por edhe tifozëve maroken, pasi në kryeqytetin francez jetojnë shumë të tillë.
Festa e çmendur nuk shkoi pa probleme dhe trazira, ndërkohë që pati shumë të arrestuar. Të paktën 74 persona u prangosën pas incidenteve në Champs-Elysees.
Përplasja nuk mungoi mes tifozëve dhe policisë franceze, që përdori gaz lotsjellës dhe granata trullosëse, ndërkohë që tensioni po rritet në kryeqytetin francez.
Tirs de mortier d’artifice et gaz lacrymogène sur les Champs-Élysées. #MARPOR https://t.co/ARI3yiy6l2 pic.twitter.com/HyWWYrNcqc
— Clément Lanot (@ClementLanot) December 10, 2022
Të mërkurën zhvillohet gjysmëfinalja mes këtyre dy Kombëtareve, që pritet të marrë trajtën e një derbi në Paris, ndërkohë që forcat policore po bëjnë të pamundurën që të mos ketë sherr mes tifozerive.
