Shkodër – 2450 hektarë tokë është e përmbytur në Bashkinë Shkodër, ndërsa 100 banesa kanë prezencë uji në oborre dhe stalla.
Në krahasim me një ditë më parë, sipërfaqja është rritur me 320 hektarë. Kuota e Drinit është 7.00 m, e cila është rritur me 10 cm me orën 16.00 të ditës së enjte kur kuota maksimale është 7.50 m. Kuota Liqen është 8.70, e rritur me 8 cm me orën 16 të ditës së enjte, kur 8.70 m është kuota maksimale.
Ana e Malit ka të përmbytur një sipërfaqe prej 1300 ha. Në rrugën e Obotit niveli është 1.5m, ndërsa kalueshmëria bëhet vetëm me mjetet e larta ushtarake.
Ujësjellësi Oblika është momentalisht jashtë funksionit. Në fshatin Obot ka rreth 90 banesa me prezencë të lartë uji në oborre.
Rruga Darragjat-Shirq është e pakalueshme në vendin e quajtur Urrelat pasi uji arrin në lartësinë 1.5 m, ndërsa sipërfaqe toke e përmbytur në Dajç është 550 hektarë dhe 10 banesa kanë prezencë uji. Në Bërdicë janë 350 hektarë nën ujë, në Gurin e Zi 50 hektarë dhe Velipojë 200 hektarë. Në rrugën Mes-Prekal në pothuajse gjithë gjatësinë e saj ka rrëshqitje dherash dhe gurësh.
Lezhë – 340 hektarë tokë është e përmbytur në qarkun Lezhë.
Në qarkun e Lezhës nuk ka pasur reshje shiu gjatë 24 orëve të fundit, kurse kuota e lumit Drin është 1.0 m nga +2.0 m kuota kritike. Hidrovori i Balldrenit punon në kuotën -1.35 m, ndërsa ka rreth 270 hektarë tokë të përmbytura. Hidrovori Tale punon në kuotën -1.2 m dhe ka rreth 20 hektarë tokë të përmbytur në kënetën Tresh-Spiten.
Në Bashkinë Kurbin:
Hidrovori Shllinza është në kuotën- 1,05 m. Në fushë e Gjonëmit, ish kënetë ka rreth 50 hektarë tokë të përmbytur.
Lumi Gjader është në kuotën normale , ndërsa ka rënie kuotash dhe në lumin Mat. Të gjithë hidrovorët janë në gjendje pune dhe të mirë teknike ndërsa nuk ka probleme të furnizimit me energji elektrike.
VAZHDO TË LEXOSH MË TEPËR PËR TEMËN
Përmbytjet/ Flet Xhaçka: Situata e stabilizuar, po punohet intensivisht!
IGJEUM jep detajet: Priten reshje shumë intensive në këto qarqe
Peleshi nga Oboti: Nuk e besojmë! Ja sa trupa janë të angazhuar nga FA
