Përditësimi më i fundit i lojës të garave Turn 10 Studios dhe Microsoft “Forza Motorsport” pritet të lansohet më vonë këtë vit, duke i dhënë fund pritjes gjashtëvjeçare për fansat e serisë.
Ekskluzivisht për konsolat Xbox dhe kompjuterët Windows, Forza Motorsport është përsëritja e tetë e serisë së lojërave të garave, e cila debutoi në 2005 dhe solli shtatë tituj deri në lansimin e Forza Motorsport 7 në 2017.
Në një video të postuar në YouTube, Turn 10 Studios – zhvilluesit e lojës – dhe Microsoft dhanë një përditësim mbi progresin e Forza Motorsport, me lansimin e planifikuar nga vera e vitit 2023 deri në një kohë të paspecifikuar më vonë këtë vit, raporton Drive, transmeton Telegrafi.
Sipas zhvilluesve, më shumë se 500 vetura do të jenë në dispozicion brenda lojës që nga data e lansimit – apo rreth 200 më pak se Forza Motorsport 7 që u lëshua me rreth 700 vetura, duke u zgjeruar më vonë për të përfshirë 130 të tjera.
Numri i pistave është zvogëluar gjithashtu, duke rënë nga 33 pista në 20. Pista e famshme e Australisë “Mount Panorama” në Bathurst është paraqitur në çdo lojë Forza Motorsport që nga titulli i pestë në 2013, por nuk është konfirmuar për lojën më të fundit.
Turn 10 Studios pretendon se loja e saj e re ka simulim fizik më të avancuar se paraardhësit e saj, ndërsa modelimi kompjuterik i veturave, pistave dhe mjedisit përreth do të tregojë gjithashtu përmirësime të konsiderueshme.
VAZHDO TË LEXOSH MË TEPËR PËR TEMËN
“PUBG Mobile” arrin në një miliard shkarkime
