Pas dokumentarit që bëri jo pak bujë, tani Princi Harry do të publikojë edhe librin e tij autobiografik.
Tanimë Princi Harry ka filluar konferencat për shtyp për publikimin e autobiografisë së tij të shumëpritur, të titulluar “Spare”, e cila do të publikohet më 10 janar. Ai gjithashtu do të ulet me Anderson Cooper për një intervistë në “60 Minutes”.
“Nuk kanë treguar absolutisht asnjë vullnet për t’u pajtuar. Do të doja të ktheja babanë tim. Do të doja të ktheja vëllanë tim.”-thotë Harry në videon promo të intervistës.
Harry tha se ai po kërkon të ketë një “familje” në vend të një “institucioni”, duke shtuar se The Firm duket ndryshe për të dhe gruan e tij, Meghan Markle.
Intervista do të transmetohet më 8 janar. Libri, i cili pason dokumentarin e tij dhe të Markle në Netflix, “Harry & Meghan”, do të jap detaje mbi jetën e tij brenda dhe jashtë familjes mbretërore.
Në episodin e pestë të dokumentarit të Netflix, “Harry & Meghan”, Duka i Sussex-it rrëfeu një ngjarje të tmerrshme që i kishte ndodhur me vëllanë e tij, tani Princin e Uellsit.
Sipas Harry-t William i kishte ulëritur dhe bërtitur atij gjatë një takimi më 13 janar në Sandringham për planet që Harry dhe gruaja e tij, Dukesha e Sussexit, të shpërngulen jashtë vendit.
“Unë hyra me të njëjtin propozim që kishim bërë tashmë publikisht, por sapo arrita atje m’u dhanë pesë opsione – një të jetë e gjitha, pa ndryshim, pesë të gjitha jashtë. Zgjodha opsionin tre në takim – gjysmë brenda, gjysmë jashtë. Të kemi punët tona, por edhe të punojmë në mbështetje të Mbretëreshës”, tha ai.
“U bë shumë e qartë shumë shpejt se qëllimi nuk ishte për diskutim apo debat. Ishte e tmerrshme që vëllai im të bërtiste dhe të më bërtiste mua dhe babai im të thoshte gjëra që thjesht nuk ishin të vërteta”.
Duka i Sussex-it tha se i shkroi babait të tij në janar 2020 për t’i thënë se ai dhe gruaja e tij do të ishin të gatshëm të hiqnin dorë nga titujt e tyre nëse plani i çiftit për t’u transferuar në Kanada si anëtarë mbretëror nuk funksiononte.
VAZHDO TË LEXOSH MË TEPËR PËR TEMËN
“Në 2019-ën isha personi më i tallur në gjithë botën”
‘Përçahet’ gjaku, princ William reagon pas vendimit të Harry-t
‘Meghan dhe Harry po presin një vajzë’
