Kërkesa e opozitës për mocion me debat, interpelancë urgjente me kryeministrin dhe pyetje-përgjigje për “çështjen” McGonigal, do të mbahet me datë 2 mars, por e bashkuar në një seancë.
Nënkryetarja e Kuvendit Ermonela Felaj, tha se këto tre kërkesa janë bashkuar në një seancë, për shkak se kanë të bëjnë me të njërën çështje. Pasi e hodhi në votim, deputetët e PS votuan për miratimin e datës 2 mars, ndërsa kundër ishte vetëm deputeti socialist, Erion Braçe.
Ndërkohë opozita nuk e ka pritur mirë bashkimin në një seancë të tre kërkesave të tyre.
“Na lejoni të debatojmë për çështje që kemi bërë kërkesa. Meqë i keni mbledhur bashkë , grupojini në një seancë. Le të mblidhet Konferenca e Kryetarëve”, tha deputetja Tabaku.
” Kryetarja e Kuvendit ka vendosur bashkimin re kërkesës për interpelancë urgjente. Sapo votuam në mungesë të konsensusi të kryetarëve që kanë dijeni që në datën 7 shkurt dhe sot është data 16. Në kushtet kur kërkesa u ripërsërit kryetari i Kuvendit ka të drejtë të propozojë një datë. Në dy mars do të kenë të drejtë të flasin të gjithë”, iu përgjigj Felaj.
VAZHDO TË LEXOSH MË TEPËR PËR TEMËN
“Ish-agjenti i FBI mik i Ramës”, gazetari Hoxha zbulon si bashkëpunuan kundër Bashës
“Si e njoh Ramën”, reagon Agron Neza: Paratë që i dhashë McGonigal s’kanë lidhje me qeverinë shqiptare
“McGonigal”/ Berisha mbledh Kryesinë e PD: Veprimet e Edi Ramës, të barabarta me një grusht shteti
