Ndonëse prej javësh ai zgjohej në mëngjes dhe qante i vetmuar në oborr, vetëm mbrëmjen e djeshme, Luizi u pyet gjatë “Prime-t” se çfarë e shqetësonte.
Teksa produksioni prej kohësh bënte një sy qorr karshi përlotjes së tij të përditshme, publiku kurrë nuk u tregua indiferent dhe gjatë gjithë javës i ka kërkuar atyre të interesohen për gjendjen e banorit të “BBV”.
Në dhomën e rrëfimit mbrëmjen e djeshme sërish me lot në sy, Luiz Ejlli tregoi se arsyeja e lotëve në sytë e tij ishte babai i tij i ndjerë.
“Ajo kënga që vendosni çdo mëngjes është kënga e vetme, këngë “moderne” siç e quante ai, që i pëlqente babait tim. Sa fillon jam dhe vetëm, se tjerët zgjohen vonë, më kap ajo ndjesia. Do të kisha dashur shumë të ishte gjallë dhe të më shikonte,”-tha Ejlli.
Pse vallë produksioni e mori pikërisht tani këtë vendim, për ta pyetur Luizin çfarë e shqetëson, kur ka ditë që e sheh në atë gjendje?
A duhet çdo herë revolta e publikut që “Big Brother” të mos shtrydhë e përdorë emocionet e banorëve, në interes të shikueshmërisë së reality show-t?
A duhet që indiferenca e tyre ndaj publikut të shkojë deri në atë pikë, sa t’i bllokohet mendimi dhe kërkimi i llogarisë në komentet e Instagram-it, kur programi mendohet të jetë sa më transparent?
VAZHDO TË LEXOSH MË TEPËR PËR TEMËN
“Luizi e ‘ha’ Butrintin për mëngjes”
“Luizi nuk e pëlqen Kiarën”
“Protesta jashtë, po bëhet nami. S’duan që t’i dëgjojmë”
