Numri i viktimave nga tërmeti vdekjeprurës që goditi Turqinë juglindore në kufi me Sirinë një ditë më parë është rritur përgjatë orëve të fundit.
Deri tani janë konfirmuar më shumë se 4.890 viktima në dy anët e kufirit si pasojë e tërmetit me magnitudë 7.8.
Vetëm në Turqi, numri i njerëzve që kanë vdekur ka shkuar në 3.381. Zyrtari i emergjencave, Orhan Tatar, tha se 20.426 persona janë lënduar dhe 5.775 ndërtesa janë shembur.
Autoritetet kanë paralajmëruar se numri i viktimave do të vazhdojë të rritet në vijim. Koordinatori humanitar i OKB-së në Siri, El-Mostafa Benlamlih, i tha CNN se misioni i kërkim-shpëtimit po pengohej nga mungesa e pajisjeve dhe makinerive të posaçme.
Ai tha se rezervat e OKB-së janë shpërndarë dhe nevojiten më shumë ilaçe dhe pajisje mjekësore, dhe veçanërisht ujë apo mjete për të riparuar rezervuarët e dëmtuar të ujit.
VAZHDO TË LEXOSH MË TEPËR PËR TEMËN
Mbi 2600 viktima dhe mijëra të plagosur nga tërmeti, Erdogan shpall shtatë ditë zie kombëtare
Më shumë se 1200 të vdekur nga tërmeti që tronditi Turqinë dhe Sirinë!
