Marrëdhëniet e trazuara të Hungarisë me Ukrainën fqinje janë përkeqësuar sërish së fundmi pasi kryeministri Viktor Orban prishi ëndrrat e vendit për anëtarësimin në NATO me një postim në Twitter.
“Çfarë?!” shkroi hungarezi, duke iu përgjigjur deklaratës së Sekretarit të Përgjithshëm të NATO-s Jens Stoltenberg në Kiev se “vendi i merituar i Ukrainës është në NATO”.
Marrëdhëniet mes Budapestit dhe Kievit janë ende të tensionuara. Hungaria kaloi vite duke bllokuar seancat e nivelit të lartë të NATO-s me zyrtarët ukrainas dhe pavarësisht se dënon pushtimin në shkallë të plotë të Rusisë, vendi ka refuzuar të dërgojë armë për të ndihmuar fqinjin e saj.
Ndërkohë, zyrtarë të lartë hungarezë vazhdojnë të vizitojnë rregullisht Moskën dhe të mbajnë lidhje të ngushta me Kremlinin.
Në të njëjtën kohë, bashkimi i Hungarisë me Turqinë për të penguar Suedinë të hyjë në NATO ka frustruar kryeqytetet perëndimore.
Aleatët e NATO-s, përfshirë Hungarinë, vendosën në vitin 2008 që Ukraina do t’i bashkohet përfundimisht aleancës.
Por rruga e Kievit drejt NATO-s ka patur pengesa dhe në shtator udhëheqja e Ukrainës kërkoi një “aderim të përshpejtuar” për t’u anëtarësuar, ndonëse duket se procesi do të zgjasë me vite të tëra.
Çështja është shumë e ndjeshme.
Shumica e aleatëve të NATO-s, përfshirë SHBA-në,duan të shmangin çdo lëvizje në këtë moment.
Ndërsa një grup anëtarësh lindorë po kërkojnë tani që NATO t’i japë Kievit një sinjal se po i afrohet aleancës.
Por mbetet e paqartë se çfarë lloj sinjali do të zgjedhin liderët e NATO-s t’i japin presidentit ukrainas Volodymyr Zelensky në samitin e ardhshëm të aleancës, të planifikuar për në korrik.
VAZHDO TË LEXOSH MË TEPËR PËR TEMËN
“NATO nuk do të njihte kufij nëse nuk do të ndalej nga Putin”
“Konflikti në Ukrainë ka potencial të zgjerohet në vende të tjera”
