Moska duket se është tronditur nga vrasja e Vladlen Tatarsky, një nga blogerët ushtarakë më me ndikim rus dhe një figurë e shquar në hapësirën ruse të informacionit pro-luftës. Ai u vra teksa drejtonte një seminar në një kafene të qytetit të dytë më të madh të Rusisë. Ndërsa në Rusi autoritetet njoftojnë arrestimin e Darya Trepova, si personi i dyshuar si përgjegjës për sulmin, lind një pyetje: ku ishte Yevgeny Prigozhin në kohën e shpërthimit?Kreu i grupit Wagner, i cili ka patur mosmarrëveshje me ministrin e Mbrojtjes Sergej Shoigu për disa javë rresht, dhe flitet po ashtu se ka një konflikt me Kremlinin dhe se po kërkon të krijojë një hapësirë politike dhe ushtarake për mercenarët e tij, u shfaq në Telegram, pakorë pas sulmit.
Lidhja me vrasjen
Fillimisht Prigozhin njoftoi se ai ishte pronari i vendit ku ndodhi sulmi që vrau Tatarsky-n, por, çuditërisht, ai nuk tha se ishin ukrainasit përgjegjës: “Ia dhashë kafenenë Lëvizjes patriotike Cyber Front Z, dhe ata mbajtën seminare të ndryshme atje,” tha Prigozhin. “Me shumë mundësi, kjo tragjedi ka ndodhur në seminar,” shtoi ai, duke e krahasuar bombardimin me vrasjen e Daria Dugina-s. “Por unë nuk do të fajësoja regjimin e Kievit për këto veprime. Mendoj se ka një grup radikalësh pas tyre,” tha ai në deklaratën e tij të parë.Por u pasuan një deklaratë propagandistike, ku njoftonte se kishin ngritur flamurin rus në Bakhmut. Nga videoja që duket se është xhiruar live, mund të duket se “kuzhinieri i Putinit” ishte në terren, përkrah mercenarëve të tij, të cilët vazhdojnë luftën kundër ukrainasve.
Paralajmërim për Prigozhin
Por a është vërtet kështu? Në Telegram, qarkulluan lajme se Prigozhin më 2 prill duhej të ishte në Shën Petersburg dhe supozohej të ishte i pranishëm në kafenenë ku ndodhi sulmi. Ky ishte një thashethem i paverifikuar, por që arriti edhe në Institutin prestigjioz për Studimet e Luftës, i cili dha dëshmi për të. “Vrasja të dielën e blogerit ushtarak rus Vladlen Tatarsky mund të ekspozojë “konflikte të mëtejshme brenda Kremlinit dhe rrethit të tij të brendshëm”. Ky ishte një nga vlerësimet e ISW, në raportin e fundit. Përveç kësaj, në raportin e fundit për luftën në Ukrainë, theksohet se burimet e Ministrisë së Brendshme ruse njoftuan se shërbimet speciale ruse “kanë ditur për një kohë të gjatë për planet për të vrarë Fomin”. Gjithashtu, siç thuhet në raport, vrasja e Fomin mund të ketë qenë si një paralajmërim për Prigozhin, i cili gjithnjë e më shumë ka vënë në pikëpyetje pikat kryesore të Kremlinit për luftën në Ukrainë dhe madje duke sinjalizuar një interes për presidencën ruse, si rival i Putinit ose si pasuesi i tij.
Fantazma e kreut të Wagner
Përballë këtij “bombardimiinformative” erdhi përgjigja e Prigozhinit, i cili pasi deklaroi se dinte shumë pak për sulmin. Sjellja e kreut të Wagner është ajo e një njeriu të pasigurt, që dëshiron të shmangë arrogancën. Elementët kryesorë të sulmit në Shën Petersburg janë konfirmimi i Prigozhin për pronësinë e vendit të ngjarjes dhe përpjekja e tij për të mohuar çdo thashethem, për praninë e tij në Shën Petersburg. Kjo është padyshim një goditje shumë e forte. Por nuk ka dëshmitarë që vërtetojnë praninë e tij në Bakhmut në orët e fundit. Kreu i Wagner dëshiron të kujtojë se ai është shumë i rëndësishëm për Rusinë, por në të njëjtën kohë të lëvizë në heshtje, si një fantazmë.
Frika nga Kremlini
Një element mbetet për t’u shtuar: për Prigozhin, fjalët e sakta nga kanali Telegram, “gjithçka në sulmështë e ngjashme me rastin e Darya Dugina “, e bija e Aleksandër Duginit të vrarë në një sulm me bombë në gusht, ku babai i saj ishte shënjestra.Pra, Prigozhin nuk e mohon përfundimisht se sulmi ndaj Tatarsky është, në fund të fundit, një mesazh drejtuar atij dhe ai duket se është i vetëdijshëm për këtë. Por ai dëshiron t’i lërë të gjithë me dyshime. Në kohë lufte është mirë të jesh i kujdesshëm ndaj armiqve, sigurisht. Por shpesh “surprizat” mund të vijnë nga miqtë. Dhe ndoshta frika e vërtetë e “kuzhinierit të Putinit” është se dora që goditi Tatarsky dje dhe mund ta godasë atë nesër është brenda Moskës.