Ministri i Arsimit, Branko Ruzhiç i ka dorëzuar sot dorëheqjen e parevokueshme kryeministres së Serbisë, Ana Brnabiç. Lajmin e ka konfirmuar për Tanjug burime nga Ministria e Arsimit. Në letrën që ia dërgoi kryeministres, Ruzhiç edhe një herë u shprehu ngushëllimet më të thella të dashurve të viktimave.
“Pamjet dramatike të ngjarjeve nga shkolla, lotët e derdhur kur u shpreh ngushëllimet prindërve të pangushëllueshëm të fëmijëve të lënduar do t’i mbaj si vulë në shpirtin tim për gjithë jetën time,”-shkruan ndër të tjera Ruzhiç në një letër drejtuar kryeministrit.
Në Serbi, për 2 ditë u vranë 17 persona nga dy sulme me armë zjarri brenda shkollave. Njërën e kreu një 14-vjeçar, tjetrën një adoleshent, 17 vjeç. Ngjarjen kanë shkaktuar terror në Serbi, ndërsa vendi shpalli zi kombëtare për disa ditë në nder të viktimave.
VAZHDO TË LEXOSH MË TEPËR PËR TEMËN
“Roli i kosovarëve në masakrën e 4 shkurtit…”
Serbia tronditet nga një tjetër masakër
Deklarata tmerruese e nxënëses ku ndodhi masakra në Serbi
