Pas përfundimit të “Big Brother VIP”, Dea Mishel Hoxha dhe Krist Aliaj janë parë shpesh nën shoqërinë e njëri-tjetrit, madje në rrjet fansat aludojnë se mes tyre mund të nisë ndonjë romancë.
E së fundmi ish-banorja i ka konfuzuar të gjithë me deklaratën e saj, pasi ka postuar një foto me Kristin dhe krahas postimit ajo ka pranuar se është në një “marrëdhënie” me këtë të fundit.
“Na zbuluat… E pranoj! Jam në një marrëdhënie me Kristin”- shkruan aktorja krahas fotos ku shfaqet duke përqafuar ish-banorin, teksa realizojnë një set fotografik.
Por “marrëdhënia” mes tyre duket se do të jetë vetëm në programin në të cilin do të jenë pjesë dyshja. Dea dhe Kristi kanë publikuar disa pamje nga prapaskenat e xhirimit për programin “Shes on Top” dhe këta të fundt janë përzgjedhur për të qenë pjesë e jurisë.
Kujtojmë se miqësia mes dy ish-finalistëve të “Big BrotherVIP” nisi gjatë qëndrimit në shtëpi dhe tashmë po vazhdon edhe jashtë.