Gungat e kuqe, kruajtëse dhe të fryra në lëkurë janë simptoma të zakonshme të pickimit të mushkonjave. Por, reaksionet e rënda alergjike dhe sëmundjet e shkaktuara nga mushkonjat manifestohen në mënyra të ndryshme dhe mund të çojnë në komplikime.
Pothuajse të gjithë janë të ndjeshëm ndaj pickimit të mushkonjave. Por për ata me alergji të rënda, simptomat mund të jenë më shumë sesa thjesht të bezdisshme: ato mund të jenë serioze. Shumica e pickimeve ndodhin në muzg ose në agim, kur mushkonjat janë më aktive. Ndërsa mushkonjat mashkullore janë të padëmshme – ushqehen vetëm me nektar dhe ujë – mushkonjat femra kërkojnë për gjak.
Një mushkonjë femër mbyllet mbi viktimën e saj duke përdorur një kombinim të aromës, dioksidit të karbonit të nxjerrë dhe kimikateve në djersën e personit. Kur gjen një vakt të përshtatshëm, ajo zbret në një zonë të lëkurës së ekspozuar dhe fut proboscisin e saj për të nxjerrë gjakun e viktimës. Proboscis është tubi i gjatë dhe fleksibël që del nga koka e saj dhe është i aftë të shpojë lëkurën e njeriut. Simptomat e zakonshme – një gungë e kuqe dhe kruajtje – nuk shkaktohen nga vetë pickimi, por nga reagimi i sistemit imunitar të trupit ndaj proteinave në pështymën e mushkonjave. Ky reagim njihet edhe si sindroma Skeeter.
Reaksionet alergjike dhe simptomat emergjente
Kafshimet dukshëm më të mëdha të mushkonjave, mund të jenë një nga simptomat e një reaksioni alergjik më të rëndë. Këto simptoma mund të përfshijnë:
- zonë e madhe e kruajtjes
- lezione
- mavijosje pranë vendit të pickimit
- limfangjiti, ose inflamacioni i sistemit limfatik
- koshere në ose rreth pickimit
- anafilaksia, një gjendje e rrallë, kërcënuese për jetën që rezulton në ënjtje në fyt dhe porobleme në frymëmarrje; kërkon kujdes të menjëhershëm mjekësor
Kërkoni kujdes mjekësor urgjent nëse vëreni ndonjë nga simptomat e mëposhtme, pasi ato mund të jenë shenja të një gjendjeje më të rëndë:
- ethe
- dhimbje koke të forta
- nauze ose të vjella
- skuqje
- lodhje
- ndjeshmëri ndaj dritës
- konfuzion
- ndryshime neurologjike, të tilla si dobësia e muskujve në njërën anë të trupit
Trajtim për pickimin e mushkonjave
Edhe masat më të mira parandaluese ndoshta nuk do t’ju mbrojnë nga të gjitha pickimet. Në rastin e një reaksioni normal, një krem me hidrokortizon ose locion kalamine do të sigurojë lehtësim nga kruajtjet. Një paketë e ftohtë ose kube akulli mund të ndihmojnë gjithashtu në lehtësimin e simptomave. Për reaksione alergjike më serioze, mund të përdoren trajtimet e mëposhtme:
- antihistaminet orale, të tilla si difenhidramina (Benadryl) ose loratadina (Claritin)
- krem ose locion kundër kruajtjes, ose benzokainë
- një banjë e ftohtë pa sapun
- një auto-injektor epinefrinës (EpiPen) që duhet të keni në dorë në rast anafilaksie
Komplikimet e pickimit të mushkonjave
Komplikimet e mundshme të pickimit të mushkonjave të patrajtuara mund të përfshijnë:
- ënjtje
- flluska të mbushura me lëngje
- impetigo, ose infeksion i zonës së pickimit
- celuliti ose infeksion në lëkurën e afërt
- limfangjiti
- sepsë, një formë e rrezikshme e inflamacionit të trupit
Reaksionet alergjike nuk janë shqetësimi i vetëm në lidhje me pickimin e mushkonjave. Mushkonjat gjithashtu mund të transmetojnë sëmundje serioze, si:
- malarie
- ethet e dengës
- encefaliti ose infeksioni i trurit
- ethet e verdha
- Virusi i Nilit Perëndimor
- Virusi Zika
- meningjiti, ose inflamacioni i trurit dhe palcës kurrizore
Këto sëmundje të shkaktuara nga mushkonjat kanë komplikime potencialisht kërcënuese për jetën, edhe pse simptomat mund të zgjasin vetëm për disa ditë ose të mos duken të rënda. Virusi Zika është lidhur me defekte të rënda të lindjes tek fëmijët e grave që infektohen me virusin gjatë shtatzënisë, dhe virusi i Nilit Perëndimor mund të jetë vdekjeprurës.
VAZHDO TË LEXOSH MË TEPËR PËR TEMËN
A rrezikon Shqipëria nga Virusi i Nilit?
