Kryeministri i Kosovës, Albin Kurti, ka publikuar pamjet nga momenti i rrëmbimit të 3 efektivëve nga forcat serbe dhe hartën e vendit ku ndodhi ngjarja.
Përmes një reagimi krahas fotografive të postuara në Facebook, Kurti është shprehur se rrëmbimi i 3 policëve ndodhi 1 kilometër brenda territorit të Kosovës, teksa efektivët ishin në tryezën e ngrënies.
Kurti i bën thirrje faktorit ndërkombëtar që të dënojë agresionin serb, që sipas tij ka shkelur rregullat ndërkombëtare.
Reagimi i Kurtit:
Në momentin e rrëmbimit, tre policët tonë kanë qenë te tryeza e improvizuar për ngrënie, duke drekuar së bashku. Ata janë rrethuar nga 15 persona që i kanë sulmuar dhe i kanë rrëmbyer. Ambasadori ynë në Beograd, Jetish Jashari, sot i ka vizituar ndaras të tre policët, të cilët po mbahen peng nga Serbia. Janë tri rrëfime identike nga tre policët.
Vendi ku ndodhet tryeza e ngrënies është 7 metra prej veturës së policisë. Pikërisht në atë vend ku e kemi theksuar qysh me datën 15 qershor: 1 kilometër në brendi përgjatë rrugës së bllokuar ilegale, dhe 300 metra, përkatësisht 670 metra, nga të dy anët larg kufirit e brenda Kosovës.
Ne jemi në të drejtën tonë, në të drejtën e Republikës dhe këtë e dokumentojnë qartë dëshmitë që posedojnë institucionet tona të sigurisë, si dhe dëshmia e tre policëve tanë.
Kërkojmë lirimin e menjëhershëm të tre zyrtarëve policor. Ata duhet të lirohen pa kushte dhe të pacenuar.
Njëkohësisht kërkojmë nga faktorët ndërkombëtarë, Bashkimi Evropian, Shtetet e Bashkuara të Amerikës dhe NATO-ja që ta dënojnë agresionin e Serbisë që paraqet edhe shkelje të pikës 4 të Marrëveshjes tekniko-ushtarake të Kumanovës, nga 9 qershori të vitit 1999.
Në mesditën e 14 qershorit, u ushtrua agresion i Serbisë ndaj shtetit demokratik të Kosovës, me rrëmbimin e tre zyrtarëve të Policisë sonë, thellë në brendi të territorit të Republikës.
VAZHDO TË LEXOSH MË TEPËR PËR TEMËN
“Los Blancos”/ Kush është “koka” e kartelit më të madh shqiptar të kokainës
Rrëmbimi i policëve: Vuçiç: Ishin të pajisur me pistoleta “Glock”
Rrëmbimi i 3 policëve nga forcat serbe, Vuçiç: Dinjiteti i tyre u ruajt
