Kryetari i Partisë së Lirisë, Ilir Meta ka deklaruar se me legalizimin e kanabisit asnjë qytetar nuk do të jetë i qetë. Me anë të një postimi në Facebook, Meta e ka quajtur këtë një akt kriminal me pasoja të shumanshme. Meta ka shtuar se tërheqja dhe kthimi mbrapsht i këtij ligji është e vetmja rrugë për të ndalur këtë murtajë të drogës.
“Asnjë qytetar nuk mund të jetë i qetë në familjen e tij, e cila do të goditet në një mënyrë apo në një tjetër nga legalizimi i drogës, pasi ky është një akt kriminal me pasoja të shumanshme, familjare, shëndetësore, shoqërore dhe ekonomike. Tërheqja dhe kthimi mbrapsht i këtij ligji është e vetmja rrugë për të ndalur këtë murtajë të drogës që ka pllakosur vendin, që ka shkatërruar imazhin e tij që ka larguar investimet dhe që ka shtuar pasigurinë në vend dhe në shoqërinë tonë,” shkruan Meta.
VAZHDO TË LEXOSH MË TEPËR PËR TEMËN
Çfarë është kanabisi mjekësor, që Shqipëria do ta legalizojë?
