Drejtori i Zyrës për Kosovë, Petar Petkoviç ka reaguar lidhur me rrëmbimin e 3 policëve të Kosovës nga serbët. Në një konferencë, ai pretendon se policia anti-terroriste serbe ka arrestuar 3 policët e Kosovës në fshatin Gnjilicë të Rashkës, ndërsa shton se ata kanë qenë të armatosur. Sipas Petkoviç, policia serbe nuk ka shkelur në territorin e Kosovës, ndërsa shtoi se është i gatshëm të jap prova, shkruan Kurir.rs.
“Sot njësiti anti-terrorist i xhandarmërisë serbe ka gjetur dhe arrestuar tre pjesëtarë të policisë së Kurtit të armatosur deri në dhëmbë. Ata janë arrestuar në zonën e fshatit Gnjilicë të Komunës së Rashkës. Pjesëtarët e policisë sonë nuk kanë shkelur në territorin e Republikës së Kosovës, nuk kanë kaluar vijën administrative, jemi absolutisht të gatshëm që të ofrojmë të gjitha provat për këtë, dhe nëse është e nevojshme, palët të përdorin imazhe satelitore, jemi të gatshëm të hapim një hetim ndërkombëtar për të përcaktuar se kush e ka kaluar vijën administrative”, tha ai.
Tre policë kufitar dyshohet se janë marrë peng këtë të mërkurë dtaë 14 qershor në vendin e quajtur Tresave/Bare, brenda në territorin e Kosovës, më konkretisht një fshat në komunën e veriut në Leposaviç. Sipas policisë, ata dyshohet që janë rrëmbyer nga forcat serbe, teksa kanë qenë në detyrë për të parandaluar shfrytëzimin e rrugëve ilegale nga grupet kriminale për kalim ilegal dhe kontrabandë. Policia njofton se 3 efektivët kanë njoftuar policinë se 3 persona të maskuar dhe armatosur kanë shkuar drejt tyre. Nga ky moment forcat e tjera policore kanë shkuar në kufi, ku kanë gjetur vetëm makinën e 3 policëve. Sipas mediave të Kosovës efektivët dyshohet se janë rrëmbyer nga Njësia serbe “Kobra”.
VAZHDO TË LEXOSH MË TEPËR PËR TEMËN
‘Amerika s’ka ndryshuar qëndrim për Kosovën’
‘Ata që flasin për ndryshim kufijsh janë proserb e prorus’
‘Bashkëpunimi Kosovë-Shqipëri nuk po ndodh’
