Më 12 shkurt 2008 në Damask kreu i operacioneve globale të grupit terrorist libanez Hezbollah u eliminua falë një operacioni të përbashkët të Mossad dhe CIA.
Ai quhej Imad Mughniyeh, i njohur si “njeriu pa fytyrë”, pasi iu nënshtrua dy operacioneve për të fshehur identitetin e tij të vërtetë. Djali i një shitësi zarzavatesh libanez, siç e përshkruajnë disa burime, thuhet se terroristi e filloi karrierën e tij në agjencinë e sigurisë së Yasser Arafat, të quajtur “Forca 17”.Ai u dërgua në “vijën e gjelbër”, ose ndryshe kufiri që ndante lagjet e krishtera dhe myslimane të Bejrutit. Aftësitë e tij e lejuan të ngjiste shpejt shkallët e karrierës, aq sa tërhoqi vëmendjen e CIA-s, e cila madje duhej të kërkonte miratim të posaçëm nga administrata e presidentit George W. Bush, për t’i dhënë fund jetës së tij.Në fakt, në vitin 1983, lideri në rritje i Hezbollahut u përfshi në një sulm ndaj ambasadës së Shteteve të Bashkuara në Bejrut. Përveç kësaj, ai ka përgjegjësinë kryesore për vrasjen e agjentit William F. Buckley në vitin 1995, si dhe për bombardimin e Kullave Khobar në Arabinë Saudite në vitin 1996.
“Makthi” i SHBA
Çështja Mughniyeh rezultoi të mos ishte e lehtë për SHBA-në, pasi në fakt ajo përfshinte nivele të larta të Uashingtonit, Prokurorin e Përgjithshëm të SHBA-së, Drejtorin e Inteligjencës Kombëtare, Këshilltarin e Sigurisë Kombëtare dhe Zyrën e Këshilltarit të Departamentit të Drejtësisë, të cilët duhej të punonin ngushtë së bashku për të autorizuar eliminimin e tij.Ky operacion i përbashkët i CIA-s dhe Mossad-it mbahet mend si një ndër misionet më të jashtëzakonshme të shërbimeve sekrete. “Washington Post” raporton se ekipit të Agjencisë Qendrore të Inteligjencës, i vendosur në territorin sirian, iu desh të punonte më shumë se zakonisht në ndërtimin e bombës, e cila më pas u përdor për të përfunduar misionin. “Times of Israel” përshkruan gjithashtu se puna e shërbimeve sekrete ishte përgatitur në detaje, sepse urdhrat ishin për të shmangur, më së shumti, dëmin kolateral ndaj komunitetit lokal. Në fakt, bomba u testua 25 herë përpara se të përdorej, në mënyrë që shpërthimi i saj të shkonte mirë.Një analizë, megjithatë, zbulon një detaj të rëndësishëm, se Mossad dhe jo amerikanët organizuan shpërthimin që vrau Mughniyeh. Pikërisht për këtë arsye, grupi terrorist veçoi inteligjencën izraelite si fajtorin e vetëm të incidentit dhe më pas kreu një sërë sulmesh hakmarrëse në Bullgari, Tajlandë, Indi dhe Gjeorgji.
Parandalimi i rrezikut
Mughniyeh konsiderohet si organizatori libanez përgjegjës për më shumë vdekje amerikane se çdo individ tjetër para 11 shtatorit. Për këtë arsye historia e tij është bërë serial televiziv i quajtur ” Fantazmat e Bejrutit”. Ky projekt përkufizohet si përmbledhje dramatike e ngjarjeve që ndodhën midis Libanit në fillim të viteve 1980 dhe Irakut në vitin 2007. Skenari zhvillohet midis hetimeve gazetareske dhe marrëdhënieve midis CIA-s dhe Mossad-it. Qëllimi ishte të prodhohej një “thriller spiunazhi”, të cilin Open Resources e përshkruan si “të bazuar në histori të vërtetë”. Ky prodhim kërkonte ndihmën e një veterani të Trupave Detare me afërsisht 34 vjet shërbim inteligjence. Në të vërtetë, raportet e inteligjencës tregojnë se bombat vetëvrasëse ishin “pika kyçe” e operacioneve terroriste të Mughniyeh. Analizat, nga ana tjetër, nxjerrin në pah se si operacionet e mundshme psikike të Hezbollahut, në bashkëpunim me Iranin, kanë arritur të zhvillojnë ideologjinë e shehidit brenda grupeve terroriste islamike, pasi vetëvrasja është e ndaluar nga Kurani. Analistët tani po reflektojnë mbi strategjinë e jashtëzakonshme të parandalimit që mund të ketë ky serial televiziv. Në fakt, “Fantazmat e Bejrutit” gjurmon mizorinë e luftëtarit “pa fytyrë” përmes një përshkallëzimi të vazhdueshëm të politikës rajonale. Pikërisht kjo po hap debate mes “të brendshmëve”, të angazhuar për të zgjidhur çështjen se çfarë ndikimi do të ketë ky prodhim në masë, në rritjen dhe mbi të gjitha “rënien” e atyre që aspirojnë të bëhen protagonistë të terrorizmit modern.
VAZHDO TË LEXOSH MË TEPËR PËR TEMËN
“Diplomacia: art i frenimit të pushtetit”
