Elon Musk tha se dëshiron të ndryshojë logon e Twitter-it, duke postuar në Twitter: “Së shpejti do t’i themi lamtumirë markës Twitter dhe, gradualisht, të gjithë zogjve.
Në një postim sot, miliarderi dhe pronari i platformës së mediave sociale shtoi: “Nëse një logo mjaft e mirë X publikohet sonte, ne do ta publikojmë atë nesër në mbarë botën”.
Musk postoi një imazh të “X”-it, por nuk dha detaje shtesë, transmeton Telegrafi.
Nën mandatin e trazuar të Musk që kur bleu Twitter tetorin e kaluar, kompania ndryshoi emrin e saj të biznesit në X Corp, duke reflektuar vizionin e miliarderit për të krijuar një “super aplikacion” si WeChat i Kinës.
If a good enough X logo is posted tonight, we’ll make go live worldwide tomorrow
— Elon Musk (@elonmusk) July 23, 2023
Faqja e internetit e Twitter thotë se logoja aktuale, e cila përmban një zog të kaltër, është “pasuria e tyre më e njohur”, duke shtuar se “kjo është arsyeja pse janë kaq mbrojtës”.
Zogu u zëvendësua përkohësisht në prill nga qeni Shiba Inu i Dogecoin.
VAZHDO TË LEXOSH MË TEPËR PËR TEMËN
“Instagram i çon njerëzit në depresion, Twitter i zemëron”
“Automjetet e Teslas nuk mund të blihen me Bitcoin”
Bezos dhe Musk konkurrojnë për një kontratë 3 miliardë dollarëshe
