Në shtëpinë e Luiz Ejllit dhe Kiara Titos sot ka festë. Këngëtari i dashur për publikun feston ditëlindjen dhe moderatorja është kujdesur që festimet të nisin që pas mesnate.
Këtë e ka zbuluar Luizi përmes një postimi në “Instastory”. Ai ka publikuar një video ku tregon surprizën që partnerja e tij kishte organizuar për të.
Në videon në fjalë shihet se si moderatorja e njohur kishte zbukuruar një ambient me rastin e ditëlindjes së Luizit. Në një tavolinë të madhe prej qelqi shihen të vendosur disa qirinj dhe torta me numrin 38.
Gjithashtu nuk mungonin trëndafilat dhe një shkrim “Gëzuar ditëlindjen dashuri”
E teksa Luizi ka filmuar këtë moment, Kiara dëgjohet duke i kënduar këngën e ditëlindjes. Ndërkohë fituesi i edicionit të dytë të “Big Brother VIP” e ka shoqëruar videon me fjalët:
“Faleminderit që ekziston”.
Nga ana tjetër, nuk ka munguar një urim edhe publikisht nga Kiara. Ajo ka ndarë disa fotografi në profilin e saj në “Instagram”, ku shfaqet së bashku me Luizin dhe i ka dedikuar disa fjalë të ëmbla.
VAZHDO TË LEXOSH MË TEPËR PËR TEMËN
“Rrengu” i Luizit për Kiarën, propozim romantik para finales
“Si të duket burri im?”/ Kiara surprizohet nga vëllai
