Drejtoria e Përgjithshme e Burgjeve transferoi dje në paraburgimin e Durrësit Alfred Belerin dhe Lefter Allën.
Ata mbaheshin të izoluar në ambientet e spitalit të burgut në kryeqytet për shkak se kishin shfaqur probleme shëndetësore.
Beleri u arrestua 2 ditë para zgjedhjeve të 14 majit me akuzën e korrupsionit në zgjedhje, ndërsa Lefter Alla u arrestua marsin e kaluar me akuzën e shkeljes së barazisë në tendera për ndërtimin e një ujësjellësi në bashkinë e Bulqizës.
Çështja “Beleri” u bë shkak për mungesën e Kryeministrit Edi Rama në takimin e liderëve të BE-së dhe Ballkanit në Athinë. Greqia ashpërsoi qëndrimin e saj në lidhje me çështjen e Fredi Belerit.
Ministri grek i Punëve dhe Çështjeve Sociale ka deklaruar se mungesa e ftesës ndaj Ramës në takimin e liderëve të Ballkanit, mbrëmjen e kësaj të hëne, është mesazh i qartë ndaj Tiranës zyrtare.
Ministri grek, Andronis Geordiadis, paralajmëroi gjithashtu Shqipërinë me pengesa në integrimin europian dhe përfitimin e fondeve nga BE nëse Fredi Beleri nuk betohet si kryetar i Bashkisë se Himarës.
Ministri grek i Punës bëri të ditur edhe se Greqia nuk do të mirëpresë as vendosjen e një kryetari tjetër e as zgjedhje të reja në bashkinë jugore të vendit. Sipas tij, kjo do të ndikonte në përkeqësimin e marrëdhënieve mes dy vendeve për një afat të pacaktuar.
VAZHDO TË LEXOSH MË TEPËR PËR TEMËN
Arrestimi i Belerit, Mitsotakis reagon ashpër ndaj Ramës
“Hesapet” e vjetra me drejtësinë shqiptare të Fredi Belerit
