24.08.2023 - 16:02
Bota e magjisë dhe arti i iluzionit ndërthurura me humorin e parodistëve të Vlorës dhuroi këtë herë emocione të bukura në teatrin “Bylis” në Fier përmes shfaqjes “Magic Show” të prestigjiatorit dhe iluzionistit Edmond Muraj.
Nën lojën dhe truket e magjistarit prestigjatori Edmond Murraj me larminë e numrave tërhoqi vëmendjen e spektatorëve që gjatë gjithë numrave të magjishëm të tij shprehën emocione me duartrokitje.
Në jo pak raste protagonistë të numrave të prestigjiatorit të talentuar u bënë dhe vetë vogëlushët.
Spektaklit të vërtetë nuk i munguan këngët dhe humori brilant i parodistëve të Vlorës Afrim Agalliu, Agron Hamo, ndërsa i ftuar ishte dhe aktori i humorit fierak, Vasil Vaso dhe kengetarja Kristel Qari.
