Zëvendëspresidenti i Komisionit Evropian, Margaritis Schoinas, i ka dërguar një letër komisionerit për Zgjerimin e BE-së, Oliver Varhelyi, ku kërkon trajtim të ashpër të Shqipërisë në lidhje me çështjen Beleri.
Në letrën e dërguar më 19 korrik, Schinas thekson se nëse Shqipëria pengon Belerin të marrë detyrën e kryebashkiakut, do të ketë pasoja lidhur me procesit të anëtarësimit, shkruan Kathimerini.
Ndër të tjera, në letër thuhet se arrestimi i Belerit një ditë para votimeve, interpretohet si frikësim (intimidim) i votuesve, dhe se mbajtja në burg është shkelje e procesit të rregullt ligjor.
Schoinas thekson se “trajtimi i Belerit nga autoritetet shqiptare përbën shkelje të prezumimit të pafajësisë dhe pengesë të një përfaqësuesi të zgjedhur në mënyrë demokratike, i cili është anëtar i minoritetit etnik grek të Shqipërisë”.
Sipas Schoinas, përderisa çështja lidhet me rezolutën e BE të 2022 për Shqipërinë, në lidhje me pronat e minoritarëve etnikë grekë, nuk është e mjaftueshme vetëm të ndiqen zhvillimet, por duhen marrë masa.
VAZHDO TË LEXOSH MË TEPËR PËR TEMËN
Arrestimi i Belerit, reagimi i ashpër nga Greqia: Skandaloze!
Avokati i Fredi Belerit: 40 mijë lekët e sekuestruara s’kanë lidhje me të
