Një 11-vjeçar ka ndërruar jetë në Librazhd, pasi është mbytur në ujërat e lumit Shkumbin.
Mësohet se i mituri me iniciale A.A., është mbytur aksidentalisht teksa ishte duke u larë në lumin Rrapun.
Bëhet me dije se në zonë kanë mbërritur forcat e policisë dhe zjarrfikëses, për të bërë të mundur nxjerrjen e trupit të pajetë nga lumi.
Njoftimi i policisë:
Librazhd/Informacion paraprak
Rreth orës 16:15, në fshatin Tokëz, shtetasi A. A., rreth 11 vjeç, banues në Librazhd,
dyshohet se është mbytur aksidentalisht duke u larë në lumin Rrapun. Shërbimet e Policisë dhe të zjarrfikëses kanë shkuar në vendin e ngjarjes dhe kanë bërë të mundur nxjerrjen nga lumi, të trupit të pajetë të këtij shtetasi.
Grupi hetimor po punon për sqarimin e rrethanave të ngjarjes.
