Nëse kaloni në Instagram dhe TikTok, loja me thonjtë tek vajzat e famshme duket si një nga më të preferuarat. Të gjata, me majë, me dizenjo nga më të larmishmet, fenomeni i modelit më të spikatur për thonjtë këtë vjeshtë vjen direkt nga vajzat e showbiz-it.
E kujtoni modelin e thonjve të Hailey Bieber-it? Të gjatë, në formë bajameje dhe në ngjyrë kafe të errët, kjo tendencë tërheqëse u “përqafua” nga shumë vajza si tendencë IN gjatë muajve të verës. Por, sezoni i ri duket se e mbyll kapitullin e këtyre thonjve, për t’u rikthyer tek modeli i atyre të shkurtër dhe katrorë.
Vajzat e famshme, nga Kim Kardashian tek Selena Gomez, Olivia Rodrigo apo Sofia Richie janë të parat që i thanë “PO” kësaj tendence të thonjve për vjeshtën. Manikyrë të thjeshtë, thonj të shkurtër dhe praktikë, pa pasur nevojën për të tërhequr vëmendjen kudo dhe kurdo.
A ka ardhur momenti që edhe ju frymëzoheni nga ky model për thonjtë tuaj? Profesionistët e manikyrit dhe pedikyrit e mbështesin pa doreza këtë tendencë IN për muajt e vjeshtës. Rita Remark, artiste e thonjve tha për Who What Wear se: “Padyshim që kam vënë re një rikthim në gjatësitë e thonjve, ata janë më të shkurtër dhe më sportiv,” thotë ajo. “Një kapërcim krejt minimalist nga thonjtë e gjatë me dizenjo të guximshme gjatë verës tek një stil më praktik që është popullarizuar shumë dhe ne jemi gati për diçka të re”.
VAZHDO TË LEXOSH MË TEPËR PËR TEMËN
Tendenca e thonjve për këtë verë
Ca këshilla bazë që duhet të ndiqni para se të lyheni për në punë
