Ditën e sotme gjatë një mbledhjeje komemorative të mbajtur në Prishtinë, presidentja e Kosovës, Vjosa Osmani ka ndarë urdhrin “Heroi i Kosovës”, për policin Afrim Bunjaku, i cili u vra më 24 shtator nga terroristët serbë në veri të vendit.
Urdhëri në nderim të policit të vrarë iu dha familajrëve të cilët ishin të pranishëm në ceremoni.
Në fjalën e saj, presidentja deklaroi se urdhri i Heroit të Kosovës, i jepet rreshterit Afrim Bunjaku për rënien heroike në mbroktje të vendit.
“Në emër të qytetarëve i ndaj urdhrin “Heroi i Kosovës”, rreshterit Afrim Bunjaku. Ai ka rënë heroikisht në mbrojtje të vendit”, deklaroi presidentja.
Në mbledhjen komemorative morën pjesë krerët më të lartë shtetëror të Kosovës, ambasadorët e vendeve partnere si dhe qytetarë.
Kujtojmë se polici Afrim Bunjaku u vra gjatë një sulmi të organizuar nga grupet terroriste serbe në Zveçan. Policia mundi të arrestonte 6 nga sulmuesit, ndërkohë që 3 të tjerë u vranë gjatë rezistencës për të mos u dorëzuar.
Gjatë operacionit për kapjen e tyre u plagos dhe një tjetër efektiv i Policisë së Kosovës.
VAZHDO TË LEXOSH MË TEPËR PËR TEMËN
Braçe demaskon Vuçiç: Dorëzo dy terroristët që ke strehuar në spitalin “Novi Pazar”
Marin Mema thirrje: Të vendosim lule e qiri në sheshin “Nënë Tereza” për Afrim Bunjakun
