Në ditën e tretë, numri i ekipeve kryesuese, me pikë të plota, në seksionin e meshkujve, përgjysmohet nga dita e dytë, në 9 ekipe, ku përfshihet ekipi rumun “Superchess”, ekipi norvegjez “Offerspill Sjakklubb”, ekipi çek “Novibor” dhe ekipi francez “Asnieres- Le Grand Echiquier”, pra ekipet pretendente për titull, ndërsa në seksionin e femrave numri i ekipeve kryesuese me pikë të plota, përgjysmohet në 2 ekipe, që janë: ekipi hungarez “Garuda Ajka BSK” dhe ekipi slloven “Tajfun SK Ljubijana”. Në seksionin e meshkujve, matchi që bëri më shumë përshtypje ishte ai i “Superchess” kundër ekipit azeibarxhanas “Vugar Gashimov”, ku 5 tavolina, barazuan dhe në momentet e fundit, GM Daniel Bogdan i dha fitoren ekipit, me rezultatin 3.5- 2.5!
Ekipet e tjera favorite, nuk hasën vështirësi: ekipi “Offerspill Sjakklubb” fitoi 5.5-0.5 ndaj ekipit serb “SK Zmaj”, “Novibar” fitoi 5-1 ndaj ekipit izraelit “Beer Sheva Chess Club” dhe ekipi “Asnieres-Le Grand Etiquette”, fitoi 4.5-1.5 ndaj ekipit turk “Gokturk Chess Sport Club”. Përsa i përket ekipeve shqiptare, Teuta arriti rezultat mjaft të mirë ndaj ekipit të Luxemburgut “De Sprenger Echternach”, ku për fitoren 3.5-2.5 kontribuan Shpëtim Nazarko dhe Shkëlqim Çela! Në matchin Partizani-Butrinti, barazimi u arrit 3-3, në lojëra mjaft të gjata, ku në shpëtimin e Partizanit, ndihmoi fitorja e Klendi Zenelit ndaj Ilir Seitaj, si dhe fitorja e Aleksandër Xhembullës ndaj Melsed Kabo.
Në seksionin e femrave, ra në sy humbja e një ndër ekipeve pretendente për titull, “Superchess” nga ekipi “Tajfun KS Ljubiana” me rezultatin 2.5-1.5, me fitoret e IM N. Buksa dhe WIM Z . Urh. Ekipi shqiptar “Teuta”, u mund në tavolinën e parë, me rezultatin minimal 2.5-1.5, nga ekipi “Garuda Ajka BSK”.
Pa dyshim, që ditët në vijim, gara do të bëhet edhe më e fortë, pasi do të vijnë momentet kur, ekipet kryesore do të luajnë me njëri- tjetrin, kur nesër spikasin ndeshjet “Schachclub Viernheim 1934) kundër ” Superchess”, “Offerspill Sjakklubb” kundër “Sentimento ajka BSK”, ” Novibor” kundër “Turkish Airlines Sports Club” dhe “Tajfun SK Ljubiana” kundër “Asnieres- Le Grand – Etiquette”, në seksionin e meshkujve, kurse në atë të femrave, pa dyshim që është përballja e kryesuesve: “Garuda Ajka BSK” me “Tajfun SK Ljubiana”.
Kristaq Andoni
achf.org.al/Konica.al
VAZHDO TË LEXOSH MË TEPËR PËR TEMËN
KUPA EUROPIANE E KLUBEVE 2023
Kupa europiane e klubeve 2023
Magnus Carlsen vjen në SHQIPËRI!
