Flota ruse “po braktis Detin e Zi”. Ndërsa sytë e botës janë ende të përqendruara kryesisht në Lindjen e Mesme, ku pritet një sulm tokësor izraelit në Gaza në ditët në vijim, gjëra të rëndësishme po ndodhin edhe në fushat e betejës në Ukrainë. Muajt e fundit nuk kanë qenë fare të mirë për forcat ruse në Krimenë e pushtuar. Në një hark kohor prej disa javësh, një anije, një nëndetëse dhe sisteme të shumta të mbrojtjes ajrore u shkatërruan. Marina ruse nuk është më në gjendje të operojë në pjesën perëndimore të Detit të Zi dhe gradualisht po largohet nga Krimea. Kështu tha presidenti ukrainas Volodymyr Zelensky, sipas raporteve të mediave ukrainase. “Është një rezultat historik”, shtoi Zelensky, sipas të cilit “për terroristët rusë nuk ka më një bazë të sigurt dhe as një rrugë logjistike plotësisht të besueshme në Krime dhe në pjesët e pushtuara të Detit të Zi dhe brigjeve Azov”. Kjo do të ishte një humbje e madhe dhe sigurisht turp për Rusinë, që historikisht është mburrur me Marinën e saj, që “mbretëronte” në Detin e Zi.
Tërheqja e flotës
“Për momentin ne nuk kemi arritur ende kontrollin e plotë mbi Krime dhe ujërat rreth saj. Por do të ndodhë. Është çështje kohe”, shtoi presidenti ukrainas. Sipas Zelensky, ndjenjat pro-ukrainase në Krime po bëhen gjithnjë e më të hapura. “Edhe pse Rusia ende kontrollon zonën, ashtu si në rajonet e tjera të pushtuara të vendit, njerëzit në Krime e kuptojnë se Rusia do të largohet nga vendi dhe po pret Ukrainën. Ne e shohim qartë se kemi shumë aleatë në Krime”, përfundoi Zelensky. Ai theksoi gjithashtu se Evropa do të jetë në gjendje të mbizotërojë mbi zonat gri. “Që nga rënia e të ashtuquajturit “Blloku Lindor”, mungesa e sigurisë gjeopolitike ka qenë kërcënimi më i madh për jetën në Evropë. Ajo tërhoqi krizat si një magnet dhe tundoi armiqtë e mënyrës së jetesës evropiane për të luftuar kundër unitetit evropian. Sepse edhe zona më e vogël gjeopolitike gri ngjall pretendime për dominim. Forca të ndryshme politike përpiqen ta lyejnë me ngjyrat e tyre. Tani kemi një mundësi historike për të gjithë Evropën për të eliminuar mungesën e sigurisë gjeopolitike, një burim krizash dhe problemesh”, tha presidenti ukrainas, Volodymyr Zelensky. “Zonat e vjetra gri gjeopolitike do të zëvendësohen nga një fuqi e re, Bashkimi Evropian”, shtoi ai.
Ukrainasit kanë nga pas SHBA
Operacioni për të marrë Krimenë nuk është i pamundur nga ukrainasit pasi ata kanë nga pas dhe amerikanët. Me përfshirjen e madhe të CIA-s amerikane, shërbimet sekrete ukrainase kanë kryer sulme ndaj objektivave ruse në sfond për muaj të tërë, nga sulmet me dronë në Kremlin e deri te vendosja e një bombe nën makinën e luftëtarit rus Alexander Dugin, në të cilën humbi jetën vajza e tij e madhe. Detajet e përfshirjes intensive të CIA-s në trajnimin dhe pajisjen e shërbimeve sekrete ukrainase u publikuan nga Washington Post, pas bisedimeve me rreth 20 zyrtarë ukrainas dhe amerikanë. Që nga aneksimi i Krimesë nga Rusia në vitin 2014, CIA ka trajnuar intensivisht oficerët e inteligjencës ukrainase për të kryer operacione kërkuese.
Një plan më ambicioz
Në të njëjtën kohë, CIA filloi një projekt shumë më ambicioz me shërbimin e inteligjencës ushtarake ukrainase GUR. Është shumë më i vogël, me punonjës më të rinj dhe CIA e “rindërtoi nga e para” në pak vite. Në Ukrainë, dhe më vonë në SHBA, operativët e GUR u trajnuan në aftësi që varionin nga manovrat e fshehta pas linjave të armikut deri te trajtimi i armëve dhe eksplozivëve. Qëllimi i trajnimit ishte t’i ndihmonte ata të mbroheshin në territorin e kontrolluar nga Rusia, të mos dëmtonin objektivat ruse, argumentojnë amerikanët. E shqetësuar se rusët po kontrollonin selinë e GUR, CIA pagoi për dy ndërtesa të reja për të strehuar Njësinë e Operacioneve Speciale të GUR dhe Drejtorinë e Spiunazhit Elektronik. Ukrainasit fituan akses në një sasi të madhe informacioni: brenda një dite, ata do të përgjonin 250,000 deri në 300,000 komunikime të veçanta dhe do t’i dërgonin grumbujt e të dhënave në Uashington, ku do të analizoheshin nga analistët e CIA dhe NSA.
VAZHDO TË LEXOSH MË TEPËR PËR TEMËN
“Putini po luan me zjarrin”!
