Deputeti i Partisë Demokratike Luan Baçi deklaroi se kërkesat e mazhorancës në Parlament janë legjitime, pasi sipas tij ua siguron rregullorja.
Në një intervistë për “Euronews Albania”, ai deklaroi se seancat anormale në kuvend i bën mazhoranca duke provokuar opozitën me veprime nga më të ndryshmet.
I pyetur lidhur me pretendimet e opozitës se brenda ambienteve të Parlamenti kishte persona me armë, Baçi u shpreh se nuk ka parë asgjë me sytë e tij por deputetët që janë shtyrë nga oficerë të Gardës e kanë konfirmuar se ka pasur armë.
“Vetë nuk pashë gjë, që të jem i sinqertë, por në momentin që po shtyheshin me Salianjin, kolegët thanë që një nga punonjësit kishte armë nën xhaketë. Ne vemi në parlament me të paktën 3 kërkesa legjitime që nuk janë në dorë të mazhorancës, por na i jep rregullorja dhe ligj, anormalitetin e bën mazhoranca, ne shkojmë për një seancë normale. Kemi gjetur në Parlament të gjitha dyert e bllokuara përveç njërës, të gjithë punonjësit e gardës rrinë të rreshtuar aty, 20-30. Ka pasur armë dhe kjo është konfirmua nga deputetë që i ka shtyrë oficeri i gardës dhe kanë ndjerë me dorë armën që ka pasur nën xhaketë. Aksioni politik do jetë i vazhdueshëm, i qëndrueshëm me të gjitha mjetet e të bërit opozitë brenda të gjitha rregullave”, tha Baçi.
VAZHDO TË LEXOSH MË TEPËR PËR TEMËN
Ngjela: Berisha ka zgjedhur rrugë të gabuar, e shqetëson non-grata
Berisha flet pas mbylljes së seancës: Aksioni do të vazhdojë, kjo është një betejë pa kthim
