Boom’-i turistik ka edhe një anë tjetër thonë ekspertët, që është rritja e kostove të qirave, restoranteve dhe pushimeve për ne vendasit.
Promovimet e Shqipërisë nëpër rrjetet sociale për shkak të kostos së lirë dhe bukurive natyrore, bën që në 2023-shin vendi ynë të vizitohej nga mbi 10 milion të huaj.
Pano Soko, Ekspert për ekonominë thotë: “Duke pasur parasysh që një pjesë e mirë e stokut të apartamenteve që ishin për t’u dhënë për qytetarët janë transferuar tek qiratë ditore të AirBnb, kjo ka reflektuar edhe te çmimi i qirave. Po flasim për qira minimalisht 400 euro. Duke qenë se turistët që vijnë shikohen si potencial shumë i mirë përfitimi ekonomik, të gjitha objektet e shërbimit rreth zonës turistike, rrisin çmimet bazuar në këtë rregull. Një supermarket në Sarandë rrit çmimet. Shqipëria po bëhet e shtrenjtë për shqiptarët, kjo ndodh edhe në vendet e tjera si Mykonos, për grekët e zakonshëm është vështirësisht i arritshëm. Shqipëria po kthehet në një destinacion vështirësisht të arritshëm për shqiptarët. Sa herë fillon sezoni turistik, në rrjetet sociale denoncohen çmimet. Duhet të përshtatemi me realitetin e ri dhe sa herë vijnë turistë ka rritje çmimesh. Shumë emigrantë që kanë ikur të vijnë dhe të kontribuojnë ne vendin e tyre, kur të shohin që rregullat zbatohen për ata njerëz që kanë vendosur te ikin por mund ta rishohin edhe njëherë këtë vendim.”.
VAZHDO TË LEXOSH MË TEPËR PËR TEMËN
“7.5 milionë turistë vizituan Shqipërinë në 2022”
‘All inclusive’/ “Daily Mail”: Ja pse britanikët zgjedhin rivierën shqiptare për të pushuar
