Ushtria ukrainase është tërhequr nga Avdiivka, qyteti në frontin lindor që është përballur me një ofensivë të ashpër ruse prej muajsh.
Fitorja e orëve të fundit përfaqëson fitoren më të madhe të Moskës pas dështimit të kundërofensive të Kievit verën e kaluar.
“Sipas urdhrit të marrë, ne u tërhoqëm nga Avdiivka në pozicionet e përgatitura paraprakisht,” shkroi gjenerali Oleksandr Tarnavski në Telegram.Por pse Avdiivka është kaq qendrore në konfliktin midis Rusisë dhe Ukrainës?
Një qytet industrial në qendër të Donbasit, ai strehonte uzinën më të rëndësishme të Ukrainës për prodhimin e koksit, një lëndë djegëse që rrjedh nga qymyri, i cili tani është bërë një nga gurët themelorë të mbrojtjes së Kievit.
Nga pikëpamja ushtarake, ai është një qytet që përfaqëson një post themelor në territoret e pushtuara nga Moska dhe që kishte përfunduar tashmë në qendër të betejave të përgjakshme në të kaluarën: pas pushtimit të shkurtër nga separatistët pro-rusë në vitin 2014 nga çlirimi ukrainas, në vitin 2017 ishte vendi i një prej përplasjeve më të mëdha mes pro-rusëve dhe ukrainasve.
Rezistenca ukrainase kishte vazhduar që nga muaji tetor, kur ushtarët ndaluan sulmet e vazhdueshme të trupave të Putin.
Gjenerali Tarnavski theksoi në lidhje me tërheqjen: “Në situatën kur armiku përparon mbi kufomat e ushtarëve të tij dhe ka dhjetë herë më shumë obusa, kjo është e vetmja zgjidhje e mirë”.
Tani forcat e tij janë pozicionuar tashmë në linjat e reja të mbrojtjes. Por kjo është një goditje e rëndë për komandantin e ri të përgjithshëm Oleksander Sirski.
“Kam vendosur të tërheq njësitë tona nga qyteti dhe të lëvizim për t’u mbrojtur në linja më të favorshme”, u justifikua gjenerali.
VAZHDO TË LEXOSH MË TEPËR PËR TEMËN
Sulmet vijojnë, por Putin pretendon “paqen”
