Chiara Ferragni dha mbrëmjen e kaluar një intervistë për Fabio Fazio në “Che Tempo Che Fa”, një dalje e paralajmëruar që më herët gjatë kësaj jave. Shumë gjëra u thanë tërthorazi dhe të tjera nuk u komentuan fare ose u anashkaluan. Mediat e konsideruan intervistën si të inskenuar dhe me të dyja palët që qëndruan brenda kornizave si në asnjë intervistë tjetër.
Për sa i përket krizës në martesën e saj, Chiara foli pak, por diçka e tha.
“Me Frederico-n flas akoma. Është periudhë krize siç kemi pasur edhe në të shkuarën, por këtë herë ca më e fortë se më parë”, u shpreh Chiara.
Kur erdhi momenti për të folur mbi skandalin e panetones “Balocco”, Chiara edhe njëherë tjetër tha se u përfshi në atë situatë prej mungesës së komunkimit dhe ky është faji i saj më i madh. Në këtë pikë, përgjigjet e saj u konsideruan si shumë të kujdesshme nga mediat. Ferragni e pranoi fajin publikisht, por e trajtoi me delikatesë për të hequr barrën nga vetja dhe duke deklaruar se nuk ka pasur qëllime negative.
Fansat që e ndoqën live intervistën u shprehën të zhgënjyer. Disa u shprehën se kjo ishte një intervistë e humbur, me gjëra që janë thënë dhe shumë deklaruan se nuk ndihen mirë që pyetjet ishin aq shumë të përzgjedhura dhe të kujdesshme.
Nga fansat e blerë në Instagram e deri te zhvillimi i mëtejshëm i diskutimit të skandalit me panetonen, fansat prisnin që sinqeriteti i kësaj interviste të shkonte përtej asaj që u transmetua. Shumë besojnë se pyetjet ishin lexuar dhe përgatitur më herët për ta bërë çdo gjë më të lehtë.
Ndërsa Chiara e përdori këtë intervistë për të mbrojtur veten dhe për të kërkuar mirëkuptimin sepse fundja, nuk është perfekte.
VAZHDO TË LEXOSH MË TEPËR PËR TEMËN
Chiara Ferragni nënë për herë të dytë
Chiara Ferragni mbledh shumën marramendëse
“Babagjyshi” i Krishtlindjeve për këtë vit është Fedez
