Kompania e udhëtimeve hapësinore SpaceX ka përfunduar testin e saj më të suksesshëm deri më tani të Starship, raketës më të fuqishme në botë.
Por ndërsa raketa pa pilot përfundoi fluturimin e saj, ajo u “zhduk” me rihyrjen në atmosferën e Tokës, shkruajnë mediat e huaja, përcjell Telegrafi.
Congratulations to the entire SpaceX team on today’s successful Starship flight test! → https://t.co/VcyTlGvGqY pic.twitter.com/GaDsCPbbVu
— SpaceX (@SpaceX) March 14, 2024
Fluturimi provë i së enjtes ishte i treti i kryer me raketa Starship, përpara misioneve të planifikuara me agjencinë hapësinore të Shteteve të Bashkuara NASA për të dërguar astronautë në Hënë.
SpaceX, një kompani e themeluar dhe në pronësi të sipërmarrësit të teknologjisë Elon Musk, transmetoi drejtpërdrejt eksperimentin e fundit të Starship, duke vënë në dukje se ajo fluturoi më larg dhe më shpejt se sa në dy testet e mëparshme.
Liftoff of Starship! pic.twitter.com/FaNcasuKaq
— SpaceX (@SpaceX) March 14, 2024
Megjithatë, ndërsa raketa u kthye në Tokë, ajo humbi komunikimin me inxhinierët e SpaceX.
Starship re-entering Earth’s atmosphere. Views through the plasma pic.twitter.com/HEQX4eEHWH
— SpaceX (@SpaceX) March 14, 2024
Transmetimi i drejtpërdrejtë u ndërpre papritmas dhe SpaceX më vonë raportoi se raketa nuk i mbijetoi fazës së fundit të fluturimit të saj.
Ajo pritej të “shpërthente” në Oqeanin Indian.
Starship will take humanity to Mars pic.twitter.com/BMBNI2mMKF
— Elon Musk (@elonmusk) March 14, 2024
Në platformën e mediave sociale X në pronësi të Musk, shefi i NASA-s, Bill Nelson e quajti ngjarjen “një fluturim provë të suksesshëm”.
“Së bashku, ne po bëjmë hapa të mëdhenj për ta kthyer njerëzimin në Hënë – pastaj shikojmë përpara në Mars”, shkroi ai.
Musk gjithashtu festoi fluturimin provë në X, duke shkruar: “Starship do ta çojë njerëzimin në Mars”.
Starship, ndërkohë që është ende në fazat e testimit, konsiderohet një përparim në teknologjinë e raketave, si raketa më e madhe dhe më e fuqishme e këtij lloji.
VAZHDO TË LEXOSH MË TEPËR PËR TEMËN
Produktet teknologjike që bënë diferencën dekadën e fundit
Për një “qytet të banueshëm” në Mars duhen 20 vjet dhe 1000 anije kozmike
Kompania SpaceX ndërtoi raketën më të madhe në histori
