Një grup qytetarësh si dhe përfaqësues të Partisë Demokratike po protestojnë sot para Bashkisë së Tiranës.
Policia e shtetit ka marrë masa për mbarëvajtjen e protestës, duke dërguar numër të shtuar efektivësh në terren. Duket se efektivët janë pajisur me të gjitha mjetet e nevojshme, edhe me skafandra dhe mburojë xhami.
Ky reagim me protestë vjen dhe pas skandalit më të fundit të korrupsionit në bashki, si pasojë e të cilit qytetarët që protestojnë kërkojnë dorëheqjen e Erion Veliajt.
Sa i përket protestës, mësohet se pas saj, qytetarët do të zhvendosen para Prokurorisë së Posaçme për t’i njoftuar kërkesën e tyre për prangosjen e kryebashkiakut.
Protesta është organizuar nga Aleanca për Mbrojtjen e Teatrit, ndërsa i janë bashkuar partitë opozitare dhe qytetarë.
