Natën ndërmjet të shtunës 13 dhe të dielës 14 prill, Iron Dome, sistemi i fundit i mbrojtjes raketore të Izraelit, demonstroi edhe një herë efektivitetin e tij, duke kapur 99% të raketave dhe dronëve të lëshuar nga Irani kundër shtetit hebre.
Iron Dome është një nga katër sistemet që mbrojnë qiejt e Izraelit, secili përgjegjës për një nivel të ndryshëm mbrojtjeje.
MIM -104 Patriot është një sistem raketash tokë-ajër që përdoret kundër avionëve luftarakë dhe raketave balistike; sistemi Arrow përdoret kundër raketave me rreze të gjatë; David ‘s Sling përdoret kundër raketave me rreze të mesme; dhe sistemi Iron Dome, në fakt, është kundër raketave me rreze të shkurtër.
Por nuk dihej, deri pas sulmit të fuqishëm, se ka shumë gra pas sistemeve të armëve që shpëtuan shtetin hebre dhe poshtëruan regjimin mizogjenik të Iranit. Nënkoloneli Yehonatan, komandanti i batalionit 974, njësia e Kupolës së Hekurt që mbron jugun e vendit, shpjegoi për Jerusalem Post se mes rekrutëve të rinj nën komandën e tij, 60% janë vajza.
Kapitenia Noam, gruaja që komandon baterinë e ngarkuar për mbrojtjen e zonës përreth Rripit të Gazës, pretendon se nuk sheh asnjë ndryshim midis një burri dhe një gruaje në përdorimin e lëshuesve të sistemit të Kupolës së Hekurt.
“Nuk ka asnjë përjashtim për ne gratë në njësinë tonë,” tha ajo. “Ndryshe nga këmbësoria apo njësitë e tjera luftarake, sistemi ynë nuk kërkon ngritjen e objekteve të rënda apo diçka të tillë.
Pra, sfidat e të qenit në fushë janë pothuajse të njëjta si për burrat ashtu edhe për gratë,” shtoi ajo.
Ndërsa njësitë e tjera luftarake të IDF ende luftojnë për t’i përfshirë në njësitë e tyre, Komanda e Mbrojtjes Ajrore ishte e para që e bëri këtë në fund të viteve 1990.
VAZHDO TË LEXOSH MË TEPËR PËR TEMËN
Pas “Kupolës së Hekurt”, Izraeli prezanton armën e re lazer
Çfarë është “Shigjeta”, sistemi i fuqishëm izraelit?
