Kompania amerikane “Apple” u ka kujtuar përdoruesve që të mos karikojnë “iPhone”-ët e tyre nën jastëk dhe batanije. Gjiganti i teknologjisë këshillon që përdoruesit “të mos flenë kurrë në një pajisje të kyçur në prizë, përshtatës të energjisë ose karikues me valë ose ta vendosin atë nën një batanije, jastëk ose trup”. Arsyeja për këtë paralajmërim është se kur karikohet në një zonë të mbyllur, të ajrosur dobët, iPhone mund të mbinxehet dhe mund të shkaktojë lëndime ose dëmtime.
Apple rekomandon që përshtatësi i energjisë i iPhone dhe çdo karikues me valë të ruhen në një zonë të ajrosur mirë gjatë përdorimit ose karikimit. Kjo është veçanërisht e rëndësishme për ata me kushte fizike që ndikojnë në aftësinë e tyre për të zbuluar ose ndjerë nxehtësinë.
Përveç rrezikut të karikimit gjatë natës, Apple gjithashtu paralajmëron përdoruesit për kontakt të zgjatur të lëkurës me kabllon dhe lidhësin e karikimit kur kablloja është e lidhur me një burim energjie. Kjo mund të shkaktojë “shqetësim ose lëndim” dhe përdoruesit duhet të shmangin gjumin ose uljen në kabllon e karikimit.
Përveç paralajmërimit, Apple thekson se përdorimi i kabllove të vjetra ose të dëmtuara dhe karikimi në dhoma të lagura mund të shkaktojë zjarr, goditje elektrike ose dëmtim të vetë pajisjes. Kompania rekomandon përdoruesit të përdorin një kabllo të krijuar për iPhone, e cila përputhet me standardet ndërkombëtare të sigurisë, për të garantuar sigurinë e procesit të karikimit.
Injorimi i këtyre udhëzimeve të sigurisë mund të çojë në pasoja të rënda, si zjarri, goditje elektrike apo edhe lëndim trupor në formën e djegieve.
Paralajmërimi i fundit i Apple për karikimin e telefonave shërben si një kujtesë e rëndësishme për përdoruesit se është shumë e rëndësishme të heqin dorë nga praktikat e tyre “të këqija” kur bëhet fjalë për karikimin e telefonave të tyre. Cilit grup i përkisni dhe jeni nga ata që fleni me telefonin pranë nesh në karikues?
VAZHDO TË LEXOSH MË TEPËR PËR TEMËN
