Presidenti i Republikës Serbe të Bosnje Hercegovinës, Milorad Dodik ka fyer sërisht viktimat e gjenocidi serb në Serebrenicë. Gjithashtu Dodik tha se më 11 korrik nuk ka pasur asnjë operacion në Srebrenicë, se askush nuk ka vdekur e nuk është vrarë dhe se ata e përkujtojnë atë datë. Ai shtoi deklaratën skandaloze se çdo kush që vdiq, vdiq jashtë Srebrenicës.
“Kjo është arsyeja pse disa nga njerëzit tanë në Srebrenicë nisën një iniciativë për të ndryshuar emrin e komunës në mënyrë që ajo të mos quhet Srebrenicë, por t’i jepet një emër tjetër”, tha Dodik.
Duke komentuar Rezolutën mbi gjenocidin në Srebrenicë, Dodik vuri në dukje se ajo është jo detyruese, por është gjithashtu një problem serioz që ekziston. Ai më pas bëri pretendime më fyese, duke thënë se Evropa ka një problem serioz me myslimanët, duke thënë se gjatë qëndrimit në Paris ka parë psikozë frike se diçka do të ndodhë gjatë Olimpiadës, të cilën nuk e ka ndjerë gjatë luftës në këtë zonë.
“Psikoza është e padurueshme dhe ata donin ta mbulonin. Rezoluta nuk do të sjellë asgjë, ajo vetëm do të ndryshojë marrëdhëniet e RS ndaj BeH. Askush nuk vdiq nga retorika e tij,” deklaroi Dodik.
8372 persona janë vrarë vetëm gjatë disa ditëve të korrikut të vitit 1995 në Srebrenicë. Numri i viktimave në Bosnje ka qenë shumë më i madh mbi 100 mijë të vrarë. Krimi u njoh si gjenocid nga Gjykata Ndërkombëtare e Drejtësisë në Hagë në vitin 2007.
VAZHDO TË LEXOSH MË TEPËR PËR TEMËN
Bosnja, “Ukraina” e ardhshme në Ballkan
Avokati serb ngre alarmin: Përshkallëzimi në Bosnje është përpara nesh!
Beogradi ‘humb shpresat’ për rezolutën, mediat serbe ironizojnë Vuçiçin
