Në Shqipëri po rriten shifrat e të prekurve nga kanceri kolorektal apo i zorrës së trashë siç njihet ndryshe.
Kjo semundje përbën 11% të të gjitha tumoreve, ndërsa është në rritje edhe tek moshat e reja.
Specialistë thonë se dieta e varfër ushqimore dhe mungesa e aktivitetit fizik janë shkaktarët kryesore.
“Pacienët që kanë të afërm të shkallës së parë kanë 30% më shumë që të shfaqin një kancer të zorrës së trashë, ndikimi shume i rëndësishëm i faktorëve ambiental, duke filluar që nga dieta, gjithashtu mungesa e aktivitetit fizik, faktorë të tjerë si duhani, alkooli, stili i jetesës jo të shëndetshme ndikon shumë në kancerin e zorrës së trashë”, tha Hysni Dede, mjek gastrohepatolog
Nutricionistët japin disa këshilla për të parandaluar shfaqjen e kancerit të zorrës së trashë si dhe kujdesin që duhet të tregohet gjatë periudhës së festave.
“Sipas shumë studimeve ka një lidhje sidomos të kequshqyerjes, për formimin e kancerit në zorrën e trashë dhe prandaj këshillohet shumë që pacientëve të tillë ti eliminohen totalisht nga regjimi ushqimor mishi i kuq, është mirë që të kenë një dietë të pasur me fibra, me drithëra integral, fruta, perime dhe në pjesën e proteinave të konsumojnë mishin e bardhë. Gjithashtu një dietë e pasur me antioksidantë”, deklaroi Arlinda Garuci, dietologe.
Mjekët shpjegojnë se depistimet periodike janë të rëndësishme për të parandaluar shfaqjen e kancerit të zorrës së trashë.
VAZHDO TË LEXOSH MË TEPËR PËR TEMËN
“Pa këtë trajtim do isha i vdekur!”
