Napoli dhe Chelsea kanë bërë një hap të madh drejt 1/8 finale të Europa League, përkatësisht pas fitoreve 3-0 në shtëpi ndaj Salzburg dhe ndaj Dinamo Kiev. Ka fituar 2-1 në shtëpi edhe Valencia ndaj Krasnodar.
Ishte Pedro ai që zhbllokoi rezultatin në minutën e 17’ teksa Ëillian dyfishoi në minutën e 65’ me një goditje të bukur nga distanca. Hudson-Odoi e ka bërë praktikisht të kryer kualifikimin e The Blues në çerekfinale me golin e tij në fund të takimit.
Sarri ka lënë dy yjet e ekipit Higuain dhe Hazard pushim për këtë ndeshje, duke i mbajtur të freskët për sfidën e radhës në Premier League.
Napoli ka fituar 3-0 ndaj Salzburg duke shfaqur një lojë dominuese dhe me kualitet të madh ndaj austriakëve. Italianët shënuan dy gola në 18 minutat e para me Milik dhe Ruiz, dërsa autogoli i Onugene në pjesën e dytë ka vulosur kualifikimin për napolitanët.
Do të luhen 90 minuta të tjera në Austri, por me 99% Napoli do të avancojë pas paraqitjes fantastike, sidomos në pjesën e parë.
Valencia e ka pasur më të vështirë sesa ishte parashikuar ndaj Krasnodar, kjo tregon se nuk ka më skuadra të lehta për t’u mundur as në Europa League.
