Partia Socialiste i ka kërkuar KQZ-së përgatitjen e administratës për realizimin e zgjedhjeve vendore.
Deputetët e komisionit të ligjeve kanë theksuar se bojkoti i zgjedhjeve prej opozitës nuk mund të ndikojë në realizimin e procesit. Një tjetër debat është zhvilluar dhe për institutin e komunizmit, ku Braho e ka cilësuar kryetarin e institucionit si ballist. Në përgjigje Agron Tufa është shprehur se deputeti Braho është përfaqësues pikërisht i sigurimsave.
Ndër të tjera ata theksuan se bojkoti i zgjedhjeve vendore prej opozitës, nuk do të ndikojë në përgatitjen e procesit prej KQZ. Madje në përfundim të raportit vjetor të këtij institucioni deputetët e mazhorancës në Komisionin parlamentar të ligjeve kërkuan marrjen e masa për funksionimin e administratës zgjedhore.
“Funksionimin e rregullt të administratës zgjedhore duke konsideruar që mund të ndodhë në kushtet e braktisjes së sistemit nga partitë kryesore të opozitës parlamentare.”, u shpreh Fino.
Në diskutimin për monitorimin e shpenzimeve të partive, deputetët e PS rikujtuan kontratat e lobimit në SHBA të Partisë Demokratike.
Në diskutimin për Institutin e Studimeve për Krimet dhe Pasojat e Komunizimit, Deputeti Spartak Braho kërkoi shkarkimin e drejtuesit të këtij instituti, pasi sipas tij është kthyer në seksion të Ballit Kombëtar që nxin luftën dhe dëshmorët.
“Do kërkoj shkarkimin e Agron Tufës derisa t’i thërrasë mendjes. Ka marrë përsipër të nxijë çdo gjë duke përfshirë luftën, heronjtë, dëshmorët dhe nuk ka asnjë shkencore në tërë analizat”, tha Braho.
I menjëhershëm ka qenë dhe reagimi i Agron Tufës, këtë rradhë përmes facebook.
“Dhuratën më të çmuar sot për ditëlindje ma ka bëre direkt nga salla e Kuvendit bash përfaqësuesi i zi i ish Sigurimit të shtetit, deputeti Spartak Braho. Dëgjojeni dhe, ju lutem, shpërndajeni sa më gjerë ta dinë të gjithë, se si na rrezikohet jeta nga këta neandertalë të komunizmit” u shpreh ai.
Deputetja Hysi kërkoi bashkëpunim mes këtij instituti dhe Autoritetit të hapjes së dosjeve e qëllim informimin e publikut, duke theksuar nevojën për përgatitjen e studimeve shkencore.
VAZHDO TË LEXOSH MË TEPËR PËR TEMËN
KQZ thirrje qytetarëve: Plotsoni vakancat e opozitës në KZAZ
Pas bojkotit të opozitës, KQZ del me një thirrje për qytetarët
