Kuvendi i Kosovës do të diskutojë nesër në një seancë të jashtëzakonshme tezën e presidentit Thaçi për korrigjim kufijsh, me kërkesë të opozitës.
Kryetari i Kuvendit, Kadri Veseli tha se në seancën e së martës do ta kenë vetëm një pikë të rendit të ditës.
“Lidhur me angazhimet e Presidentit të Kosovës, Hashim Thaçi për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë do të mbahet të martën, më 4 shtator”, u shpreh Kadri Veseli, kryetar i Kuvendi të Kosovës.
Partitë opozitare LDK, Vetëvendosje dhe PSD kanë dorëzuar javën e kaluar kërkesën për mbajtjen e seancës së jashtëzakonshme më 4 shtator.
Në këtë seancë pritet të miratohet rezoluta, e cila ia ndalon presidentit Thaçi të bisedojë me Serbinë për territor.
Ndërkohë që më parë presidenti i Kosovës, Hashim Thaci në një përgjigje sa i përket debatit që është ndezur mbi rishikimin e kufijve Kosovë-Serbi ka thënë se nuk do të ketë ndarje e as shkëmbim.
“Po bashkangjitjes së Preshevës, Bujanocit dhe Medvegjës, si tërësi me Kosovën. Po njohjes reciproke Kosovë – Serbi dhe anëtarësimit të Kosovës në OKB dhe organizata ndërkombëtare. Jo ndarje, jo shkëmbim territoresh. Të tjerat fake news”, ka shkruar Thaçi.
M.H
VAZHDO TË LEXOSH MË TEPËR PËR TEMËN
“Deklaratat e Thaçit për korrigjim kufijsh, të vonuara”
