Një shpërthim eksplozivi u regjistrua në orët e para të mëngjesit në një lokal në Vlorë, duke e çuar në 5 numrin e sulmeve me tritol në këtë qytet që nga fillimi i vitit. Pronarët e lokalit kanë mohuar konfliktet, ndërsa policia po heton të shkuarën e tyre.
Lokali është në pronësi të Servet Zyberit. Për shkak të orarit kur ndodhi ngjarja, nuk pati të lënduar, por dëmet materiale ishin të mëdha.
Pjesa e përparme e lokalit është dëmtuar plotësisht nga shpërthimi.
Ngjarja është filmuar nga kamerat e sigurisë së lokalit, por identifikimi i autorit është e vështirë, pasi ai ishte i maskuar.
Policia ka marrë në pyetje pronarin e lokalit dhe persona të tjerë që mund të kenë dijeni në lidhje me ngjarjen.
Vetë pronari Zyberi mësohet se ka mohuar të ketë konflikte, por burime pranë grupit hetimor thanë se po verifikojnë edhe të shkuarën e djalit të tij.
Babë e bir nuk rezultojnë të skeduar nga Policia, por megjithatë po verifikohen për konflikte apo përplasje që mund të kenë pasur në shkuarën.
VAZHDO TË LEXOSH MË TEPËR PËR TEMËN
Tronditet sërish Vlora, shpërthen në flakë makina
Bilanci/ 12 makina të djegura në 3 muaj, vetëm në Vlorë
Vlorë/ Shpërthim me tritol, policia tregon detajet
