Në përgjigje të shqetësimeve të ngritura nga anëtari i Parlamentit Evropian, Paul Ruebig, Komisioni Evropian bën me dije se do të analizojë praktikat e prokurimit të qeverisë shqiptare, konkretisht ato në lidhje me ndërtimin e aeroportit të Vlorës dhe krijimin e shoqërisë shqiptare të fluturimeve.
“Bazuar në shumë raportime mediatike, në Shqipëri kanë ndodhur shkelje ligjore në fushën e prokurimeve dhe konkurrencës lidhur me krijimin e linjës ajrore ‘Air Albania’ si dhe me ndërtimin e aeroportit të Vlorës.
Këto tregojnë se në këto dy raste përcaktimet e Marreveshjes së Stabilizim Asociimit janë shkelur”. “A përputhen vlerësimet ligjore të këtyre raportimeve mediatike mbi shkelje ligjore në fushën e prokurimeve dhe konkurrencës nga Qeveria e Shqipërisë me opinionin ligjor të Komisionit Europian?“, pyeste deputeti i Parlamentit Evropian Ruebig duke iu drejtuar Përfaqësuese së Lartë për Politikën e Jashtme të Sigurisë së BE-së, Frederica Mogherinin.
Në përgjigjen e tij për Ruebig, komisioneri Hahn shkruan se komisioni është në dijeni të ankesave.
“Komisioni është në dijeni të ankesave për mundësinë e shkeljeve të Marrëveshjes së Stabilizim Asociimit lidhur me ndërtimin e aeroportit të Vlorës dhe të krijimit të shoqërisë Air Albania.
Do të bëjmë rekomandimin për Maqedoninë e Veriut dhe Shqipërinë, që këto vende të nisin fazën parapërgatitore për çeljen e negociatave për anëtarësim dhe kjo do të bëhet zyrtarisht”, por pavarësisht rekomandimit, vendimi mbetet në dorë të vendeve anëtare.
VAZHDO TË LEXOSH MË TEPËR PËR TEMËN
Eurodeputeti grek ‘qahet’ në Bruksel
Kukan ‘shuplakë’ opozitës: Sherret në Shqipëri, jo në Evropë
Fleckenstein: Negociatat e Shqipërisë me BE-në vendimtare
