Teksa ndodhet në Korçë, ministri i Brendshëm Sandër Lleshaj foli në lidhje me zgjedhjet e 30 qershorit.
Lleshaj tha se zgjedhjet do të mbahen dhe gjatë fjalës së tij nënvizoi përgjegjësitë e policisë për këtë proces.
Ndër të tjera Lleshaj theksoi se kush do sabotojë votimin do të japë llogari para ligjit.
“Qeveria është e angazhuar për të garantuar të drejtën e votës.
Zgjedhjet do të bëhen në 30 qershor. Ministria e Brendshme është një prej instrumenteve që garanton zgjedhjet.
Lista e zgjedhësve dhe mjedisi i sigurt, janë detyrat e dikasterit tonë. Zgjedhjet bëhen në prag të vendimmarrjeve historike.
Duhet të garantojmë që Shqipëria është një vend i pjekur për të hapur negociatat.
Zgjedhjet duhet të zhvillohen me parametrat e kërkuar. Policia duhet të kujdeset për infrastrukturën e sigurisë.
Kush cenon të drejtën e votës, të jetë nën kujdesin ligjor të policisë që asgjë të mos mbetet pa ndëshkuar.
Kam bindje që nuk do ketë raste. Kush saboton votimin të japë llogari para ligjit”, deklaroi Lleshaj.
VAZHDO TË LEXOSH MË TEPËR PËR TEMËN
